सासूच्या सौंदर्यावर जावई फिदा; दोघांनी घरातून पळून जाऊन थाटला संसार, नातेसंबंधांच्या गणिताला नवा ट्विस्ट!

सासूच्या सौंदर्यावर जावई फिदा; 

दोघांनी घरातून पळून जाऊन थाटला संसार, 

नातेसंबंधांच्या गणिताला नवा ट्विस्ट!

हेच ते जावई आणि सासू

कानपूर/वृत्तसेवा

उत्तर प्रदेशातील कानपूर येथे नातेसंबंधांच्या पारंपरिक व्याख्यांनाच आव्हान देणारी एक धक्कादायक आणि तितकीच चर्चेची घटना समोर आली आहे. एका सासूने स्वतःच्या जावयासोबत घरातून पळ काढत कोर्ट मॅरेज केल्याने परिसरात आश्चर्य व्यक्त होत आहे. सोशल मीडियावर या प्रकरणाची जोरदार चर्चा रंगली असून अनेकांनी "कुटुंबाच्या नातेसंबंधांचे गणितच बदलले" अशी प्रतिक्रिया दिली आहे.

माहितीनुसार, अकबरपूर पोलीस ठाण्याच्या हद्दीतील ही घटना आहे. जावई आणि सासू यांच्यातील जवळीक इतकी वाढली की दोघांनी थेट घर सोडण्याचा निर्णय घेतला. त्यानंतर त्यांनी न्यायालयात विवाह करून नव्या संसाराला सुरुवात केल्याचे सांगितले जात आहे.

या घटनेनंतर सोशल मीडियावर व्हायरल झालेल्या व्हिडिओमध्ये दोघेही आपल्या निर्णयाचे समर्थन करताना दिसत आहेत. "आम्ही एकमेकांच्या संमतीने लग्न केले असून समाजाने आम्हाला आशीर्वाद द्यावेत," अशी विनंती त्यांनी केली आहे.

दरम्यान, या प्रकारामुळे नातेवाईकांसह परिसरातील नागरिकही चक्रावून गेले आहेत. अनेकांना आता "नेमकं कोण कुणाचं काय लागणार?" हा प्रश्न पडला असून सोशल मीडियावर त्यावर विनोदांचाही पाऊस पडत आहे.

विशेष म्हणजे, अशाच प्रकारची घटना यापूर्वी अलीगढ जिल्ह्यातही घडली होती. तेथे एका महिलेने स्वतःच्या मुलीच्या होणाऱ्या नवऱ्यासोबत पळून जाऊन विवाह केला होता. लग्नाच्या तयारीला अंतिम टप्पा आलेला असतानाच हा प्रकार घडल्याने त्यावेळीही मोठी खळबळ उडाली होती.

सध्या कानपूरमधील या घटनेची सोशल मीडियावर जोरदार चर्चा सुरू असून, प्रेमाला नात्यांच्या चौकटी नसतात की नात्यांनाही काही मर्यादा असाव्यात, यावर नेटिझन्समध्ये मतमतांतरे पाहायला मिळत आहेत.