स्वतंत्र पत्रकार - "दीसना"

ठाण्यात ठाकरे गटाच्या विभागप्रमुखाची गोळ्या झाडून निर्घृण हत्या मनोरमानगरमध्ये प्रदीप (बाळा) पूर्णेकर यांच्यावर दोन राऊंड फायरिंग; उपचारादरम्यान मृत्यू   कुटुंबीयांचे माजी महापौर मीनाक्षी शिंदे व राजेंद्र शिंदे यांच्यावर गंभीर आरोप;  पोलिसांकडून सर्व शक्य दिशांनी तपास ठाणे/वृत्तसेवा : ठाणे शहरातील मनोरमानगर-मानपाडा परिसरात मंगळवारी रात्री (२९ सप्टेंबर) शिवसेना (उद्धव बाळासाहेब ठाकरे) पक्षाचे विभागप्रमुख प्रदीप (बाळा) पूर्णेकर यांची अज्ञात हल्लेखोरांनी गोळ्या झाडून हत्या केल्याने ठाणे शहराच्या राजकीय वर्तुळासह संपूर्ण परिसरात खळबळ उडाली आहे. कापूरबावडी पोलीस ठाण्याच्या हद्दीत ही थरारक घटना घडली. पूर्णेकर यांच्यावर दोन राऊंड गोळीबार करण्यात आला. गंभीर जखमी अवस्थेत त्यांना घोडबंदर रोडवरील आर मॉलजवळील इन्फिनिटी हॉस्पिटलमध्ये दाखल करण्यात आले; मात्र उपचार सुरू असतानाच त्यांचा मृत्यू झाला. कार्यालयासमोरच हल्ला; हल्लेखोर पसार प्राथमिक माहितीनुसार, मंगळवारी रात्री सुमारे ९ वाजण्याच्या सुमारास मनोरमानगर-मानपाडा, दुर्गा चौक परिसरात पूर्णेकर हे त्यांच्या कार्यालयाजवळ असताना अज्ञ...

शहरात घंटागाडी तात्काळ सुरू करा; अन्यथा नगरपरिषदेत कचरा फेकून तीव्र आंदोलन राष्ट्रवादी काँग्रेस शरदचंद्र पवार पक्षाचा नगरपरिषद प्रशासनाला थेट इशारा;  आठ दिवसांपासून कचरा संकलन ठप्प देऊळगावराजा :  शहरातील घराघरातून कचरा संकलित करणारी घंटागाडी गेल्या आठ दिवसांपासून बंद असल्याने देऊळगाव राजा शहरातील स्वच्छतेचा प्रश्न गंभीर बनला आहे. घरांमध्ये कचऱ्याचे ढीग साचत असून, रस्त्यांच्या कडेला आणि मोकळ्या जागांवर कचरा टाकला जात असल्याने शहराच्या स्वच्छतेबरोबरच सार्वजनिक आरोग्य आणि पर्यावरणाचा प्रश्नही ऐरणीवर आला आहे. दरम्यान, येत्या दोन दिवसांत घंटागाडी सेवा पूर्ववत करून शहरातील साचलेला कचरा तातडीने उचलण्यात यावा; अन्यथा नागरिकांना सोबत घेऊन नगरपरिषदेच्या प्रशासकीय इमारतीत कचरा फेकून तीव्र आंदोलन करण्यात येईल, असा थेट इशारा राष्ट्रवादी काँग्रेस पार्टी (शरदचंद्र पवार) पक्षाचे जिल्हा उपाध्यक्ष राजेश इंगळे यांनी मुख्याधिकाऱ्यांना दिलेल्या निवेदनातून दिला आहे. गेल्या आठ दिवसांपासून घंटागाडी नियमितपणे फिरत नसल्यामुळे अनेक नागरिकांच्या घरांमध्ये ओला व सुका कचरा साचून राहत आहे. कचरा वेळेत उचलल...

शिंदेंमुळेच भाजपला ‘संजीवनी’;  अन्यथा अस्तित्वच राहिले नसते! शिंदेसेनेचे आमदार चंद्रकांत रघुवंशी यांचा भाजपला थेट आरसा;  पुणे शिक्षक-पदवीधर जागांवरील  दाव्यामुळे महायुतीत धुसफूस नंदूरबार/वृत्तसेवा “भारतीय जनता पक्षाला एकनाथ शिंदेंनीच जीवंत केले; अन्यथा भाजपचे अस्तित्वच राहिले नसते!” या शिवसेना (शिंदे गट)चे विधान परिषद आमदार चंद्रकांत रघुवंशी यांच्या वक्तव्याने महायुतीतील अंतर्गत राजकीय समीकरणांवर पुन्हा प्रश्नचिन्ह निर्माण झाले आहे. नंदूरबारमध्ये पत्रकारांशी बोलताना रघुवंशी यांनी २०२२ मधील एकनाथ शिंदे यांच्या बंडाचा संदर्भ देत भाजपला महाराष्ट्रात पुन्हा सत्तेत येण्याची संधी त्याच राजकीय घडामोडींमुळे मिळाल्याचा दावा केला. त्यांच्या या वक्तव्याची सध्या राजकीय वर्तुळात जोरदार चर्चा सुरू आहे. रघुवंशी यांनी महायुती सरकार हे केवळ एका पक्षाचे नसून भाजप, शिवसेना आणि राष्ट्रवादी काँग्रेस (अजित पवार गट) या तीन पक्षांचे सरकार असल्याचे नमूद केले. सत्तेवर तिन्ही पक्षांचा समान दावा असल्याचे सांगतानाच त्यांनी भाजपला शिंदे यांच्या भूमिकेची आठवण करून दिली. “महाविकास आघाडीच्या काळात भाजप क...

तहसील गेटसमोर केली नागपूर कराराची होळी; स्वतंत्र विदर्भाच्या मागणीचा एल्गार होतोय अधिक तीव्र  सिंदखेडराजा: विदर्भाच्या विकासाच्या प्रश्नांकडे शासनाचे लक्ष वेधण्यासाठी आणि प्रादेशिक असमतोलाचा मुद्दा पुन्हा ऐरणीवर आणण्यासाठी सोमवारी (२८ सप्टेंबर) सिंदखेडराजा तहसील कार्यालयाच्या प्रवेशद्वारासमोर नागपूर कराराची प्रतीकात्मक होळी करण्यात आली. स्वतंत्र विदर्भ राज्याच्या मागणीसाठी करण्यात आलेल्या या आंदोलनात कार्यकर्त्यांनी सिंचन, शेती, उद्योग, रोजगार, शिक्षण तसेच विकासाच्या अनुशेषाचा प्रश्न जोरदारपणे मांडला. ‘नागपूर कराराची अंमलबजावणी कुठे?’ असा सवाल २८ सप्टेंबर १९५३ रोजी करण्यात आलेल्या नागपूर कराराला यंदा ७३ वर्षे पूर्ण होत आहेत. संयुक्त महाराष्ट्राच्या निर्मितीच्या पार्श्वभूमीवर मराठी भाषिक प्रदेश एकत्र आणण्याच्या प्रयत्नात विदर्भ, मराठवाडा आणि उर्वरित महाराष्ट्राच्या विकासाबाबत काही महत्त्वाच्या तरतुदी या करारात करण्यात आल्या होत्या. कराराच्या मूळ मजकुरानुसार महाराष्ट्राची रचना करताना महाविदर्भ, मराठवाडा आणि उर्वरित महाराष्ट्र हे विकास व प्रशासनाच्या दृष्टीने स्वतंत्र घटक मानले जा...

दुष्काळाच्या झळांत शेतकरी होरपळतोय;  नेत्यांची श्रेयवादाची लढाई कशासाठी? शेतकऱ्यांच्या जळत्या चितेवर राजकारणाची भाकरी भाजू नका;  प्रवीण गीते यांचा संतप्त सवाल सिंदखेडराजा : राज्यातील दुष्काळाची परिस्थिती दिवसेंदिवस गंभीर होत असताना शेतकरी अक्षरशः संकटाच्या खाईत लोटला जात आहे. पावसाने पाठ फिरवल्याने खरीप हंगामातील पिके करपून गेली आहेत. शेतात उभे असलेले पीक डोळ्यांसमोर सुकताना पाहण्याची वेळ शेतकऱ्यांवर आली आहे. एका बाजूला उत्पादनासाठी केलेला खर्च, कर्जाचा वाढता डोंगर आणि कुटुंबाच्या उदरनिर्वाहाची चिंता; तर दुसऱ्या बाजूला पिण्याचे पाणी, जनावरांचा चारा आणि पुढील हंगामाची विवंचना, अशा चौफेर संकटात शेतकरी सापडला आहे. अशा परिस्थितीत दुष्काळाची घोषणा होताच ‘दुष्काळ आमच्यामुळेच जाहीर झाला’, असा श्रेयवाद मिरविण्यासाठी राजकीय नेते आणि त्यांच्या समर्थकांमध्ये सुरू झालेली चढाओढ अत्यंत संतापजनक आहे, अशी घणाघाती प्रतिक्रिया प्रवीण गीते यांनी व्यक्त केली. “शेतकऱ्यांचे घर जळतेय आणि नेत्यांना श्रेयाची धग लागलीय!” “शेतकऱ्यांच्या शेतात उभी पिके करपून गेली आहेत. त्यांच्या घरातील चूल कशी पेटणा...

चार आरोपींपैकी दोन उमेदवार गुणवत्ता यादीतील टॉपर्स! बुलढाण्यातील आरोपी विजय किंगर होता चौथ्या क्रमांकाचा टॉपर!! एमपीएससी औषध निरीक्षक पेपरलीक प्रकरणाने घेतले धक्कादायक वळण;  ११ जण अटकेत मुंबई/वृत्तसेवा : महाराष्ट्र लोकसेवा आयोगाच्या (एमपीएससी) औषध निरीक्षक भरती परीक्षेतील पेपरफुटी प्रकरणाने आता गंभीर वळण घेतले आहे. प्रश्नपत्रिका फुटवून त्याचा फायदा घेतल्याच्या संशयावरून अटक करण्यात आलेल्या चार आरोपींपैकी दोन आरोपी हे स्वतः परीक्षार्थी असून, ते अंतरिम गुणवत्ता यादीतील टॉपर्स असल्याचे तपासात समोर आल्याचे पोलिस सूत्रांनी सांगितले आहे. या नव्या अटकेमुळे या प्रकरणातील एकूण आरोपींची संख्या आता ११ वर पोहोचली आहे. प्रसारमाध्यमांतील वृत्तांनुसार, गुन्हे शाखा आणि विशेष तपास पथकाने केलेल्या तपासात प्रश्नपत्रिका बेकायदेशीर मार्गाने मिळवून त्याचा लाभ घेतल्याचा संशय असलेल्या उमेदवारांपर्यंत तपासाची साखळी पोहोचली आहे. साजिद संदे आणि विजय किंगर या दोन उमेदवारांना पोलिसांनी अटक केली आहे. १५२.५० गुण घेणारा तिसरा; १५६ गुणांचा उमेदवार चौथा! सांगली येथून अटक करण्यात आलेला साजिद संदे याने लेखी परीक...

यंदाचा दुष्काळ १९७२ पेक्षाही भयानक! बड्या शहरांतील स्विमिंग पूल,  कार वॉशिंग सेंटर तात्काळ बंद करा;  शेतकऱ्यांना हेक्टरी २० हजारांची मदत द्या कृषी अर्थतज्ज्ञ विजय जावंधिया यांची सरकारकडे मागणी; पिण्याच्या पाण्याला सर्वोच्च प्राधान्य देण्याचे आवाहन मुंबई/वृत्तसेवा :  राज्याच्या ग्रामीण भागात पावसाने पाठ फिरवल्याने निर्माण झालेली दुष्काळी परिस्थिती दिवसेंदिवस अधिक गंभीर होत असून, यंदाचा दुष्काळ १९७२ च्या दुष्काळापेक्षाही भयानक ठरण्याची शक्यता कृषी अर्थतज्ज्ञ विजय जावंधिया यांनी व्यक्त केली आहे. एका बाजूला शेतातील उभी पिके करपून जात असताना दुसऱ्या बाजूला मोठ्या शहरांमध्ये पाण्याचा होणारा वापर आणि अपव्यय थांबविण्यासाठी सरकारने कठोर निर्णय घेण्याची गरज असल्याचे त्यांनी म्हटले आहे. मुंबई, पुणे, नागपूर यांसारख्या मोठ्या शहरांमधील स्विमिंग पूल आणि कार वॉशिंग सेंटर तात्काळ बंद करावीत, अशी मागणी जावंधिया यांनी केली. राज्यातील उपलब्ध पाणी सर्वप्रथम माणसांच्या आणि जनावरांच्या पिण्यासाठी राखीव ठेवावे. परिस्थिती आणीबाणीची असल्याने सरकारने नेहमीच्या प्रशासकीय पद्धतींपेक्षा युद्धपातळी...

भोंदू बाबा अशोक खरात प्रकरणाचा भांडाफोड करणाऱ्या पत्रकारावरच खंडणीचा गुन्हा! दत्तात्रय खेमनार यांच्यावर ॲट्रॉसिटीसह गंभीर कलमे; अटकेनंतर ‘षडयंत्रा’चा आरोप अहिल्यानगर/वृत्तसेवा : नाशिकमधील कथित भोंदूबाबा अशोक खरात प्रकरणातील धक्कादायक बाबी समाजासमोर आणणारे पत्रकार तथा ‘खबरदार पुढारी’चे संपादक दत्तात्रय खेमनार यांच्याविरोधातच आता खंडणी आणि ॲट्रॉसिटीचा गुन्हा दाखल झाल्याने पत्रकारिता क्षेत्रात खळबळ उडाली आहे. श्रीरामपूर तालुक्यातील फत्त्याबाद येथील स्मशानभूमीच्या विकासकामाच्या पार्श्वभूमीवर एका महिला ग्रामविकास अधिकाऱ्याने दिलेल्या तक्रारीवरून लोणी पोलिसांनी हा गुन्हा दाखल केला असून, खेमनार यांना अटक करण्यात आली आहे. मात्र, या प्रकरणात खेमनार यांनी त्यांच्यावर करण्यात आलेले सर्व आरोप ठामपणे फेटाळून लावले आहेत. आपण गेल्या काही महिन्यांपासून अशोक खरात प्रकरणातील गंभीर आरोप आणि संबंधित बाबी सातत्याने समोर आणत असल्याने काही प्रभावशाली व्यक्ती आणि प्रशासनातील घटकांकडून आपल्याला लक्ष्य केले जात असल्याचा दावा त्यांनी केला आहे. आपल्या विरोधात दाखल करण्यात आलेला गुन्हा हा आपल्याला अडचणीत आणण्या...

जालन्यातील ‘खंडणीखोर टोळी’चे धागेदोरे कुठपर्यंत पोहोचणार? निकिता काळे, सचिन सुर्वे पाच दिवसांच्या पोलीस कोठडीत;  अनेक ‘यूट्यूब पत्रकारां’चे धाबे दणाणले कॉल डिटेल्स, चॅटिंग, आर्थिक व्यवहार आणि सोशल मीडिया कनेक्शन पोलिसांच्या रडारवर;  ‘मास्टरमाईंड’चा शोध घेण्याचे आव्हान जालना | वृत्तसेवा  पत्रकारितेच्या नावाखाली ब्लॅकमेलिंग करून पैसे उकळल्याच्या आरोपांमुळे जालना जिल्ह्यात खळबळ उडाली असतानाच, या प्रकरणाची व्याप्ती आता आणखी वाढण्याची शक्यता निर्माण झाली आहे. संजीवनी मल्टीस्पेशालिटी हॉस्पिटलच्या डॉक्टरांना सोशल मीडियावर बदनाम करण्याची भीती दाखवून खंडणी उकळल्याच्या प्रकरणात निकिता काळे आणि सचिन सुर्वे या दोघांना पोलिसांनी अटक केली असून न्यायालयाने त्यांना पाच दिवसांची पोलीस कोठडी सुनावली आहे. या कारवाईनंतर पोलिसांनी तपासाची दिशा केवळ दोन आरोपींपुरती मर्यादित न ठेवता त्यांच्या संपर्कातील व्यक्ती, कथित माध्यम प्रतिनिधी, सोशल मीडिया अकाउंट्स, आर्थिक व्यवहार आणि संभाव्य सहकाऱ्यांकडे वळविल्याची माहिती आहे. त्यामुळे या प्रकरणामागे केवळ दोन व्यक्ती आहेत की त्यामागे आणखी मोठे नेटवर...

चार एकर शेती, वाढते कर्ज अन् हातातोंडाशी आलेले पीकही गेले;  राताळीतील शेतकरी पुत्राने शेतात घेतला गळफास कर्जाच्या विळख्यात अडकलेल्या कुटुंबाची करुण कहाणी;  १० एकर शेतीवर अडीच लाखांचा खर्च, उत्पादन मात्र नगण्य सिंदखेडराजा : तालुक्यातील राताळी येथील एका कर्जबाजारी शेतकरी कुटुंबावर शुक्रवारी, २६ सप्टेंबर रोजी काळाने घाला घातला. आर्थिक विवंचना, वाढते कर्ज आणि यंदाच्या पावसाच्या अनियमिततेमुळे पिकांचे झालेले नुकसान या पार्श्वभूमीवर युवा शेतकरी पुत्र आकाश बळीराम पाटील (वय २६) याने शेतातील पळसाच्या झाडाला गळफास घेऊन आत्महत्या केल्याची घटना सकाळी उघडकीस आली. या घटनेने रताळी गावासह परिसरात हळहळ व्यक्त होत असून, एका कुटुंबाच्या आर्थिक संघर्षाचा अत्यंत वेदनादायी शेवट झाल्याची भावना व्यक्त होत आहे. चार एकर शेतीवर पाच जणांचा संसार आकाशचे वडील बळीराम पाटील यांच्याकडे अवघी चार एकर शेती आहे. याच शेतीच्या उत्पन्नावर पत्नी, दोन मुले आणि एक मुलगी अशा कुटुंबाचा उदरनिर्वाह चालत होता. मात्र चार एकर शेतीतून मिळणारे उत्पन्न कुटुंबाच्या दैनंदिन गरजा भागविण्यासाठीही अपुरे पडत होते. परिस्थितीशी दोन ह...

डॉ. शशिकांत खेडेकर यांच्या पाठपुराव्याला यश;  सिंदखेडराजा मतदारसंघ दुष्काळग्रस्त यादीत शेतकऱ्यांना दिलासा;  मुख्यमंत्री फडणवीस, उपमुख्यमंत्री शिंदे व पवार यांचे आभार सिंदखेडराजा :  सिंदखेडराजा विधानसभा मतदारसंघातील देऊळगावराजा, सिंदखेडराजा, चिखली आणि लोणार तालुक्यात यंदा पावसाने दीर्घकाळ दडी मारल्यामुळे खरीप पिकांचे मोठ्या प्रमाणात नुकसान झाले होते. या पार्श्वभूमीवर माजी आमदार डॉ. शशिकांत खेडेकर यांनी सातत्याने शासन दरबारी पाठपुरावा केला. अखेर शासनाने सिंदखेडराजा विधानसभा मतदारसंघाचा दुष्काळग्रस्त यादीत समावेश केला आहे. या निर्णयाने मतदारसंघातील हजारो शेतकऱ्यांना मोठा दिलासा मिळाला आहे. यासंदर्भात डॉ. खेडेकर यांच्यावतीने दिलेल्या प्रसिद्धी पत्रकानुसार   दुष्काळी परिस्थिती गंभीर होताच डॉ. खेडेकर यांनी सर्वप्रथम उपविभागीय महसूल अधिकारी यांच्याकडे निवेदन सादर करून देऊळगावराजा तालुक्यासह संपूर्ण सिंदखेडराजा विधानसभा मतदारसंघ दुष्काळग्रस्त घोषित करण्याची मागणी केली होती. त्यानंतर त्यांनी स्वतः शेतकऱ्यांच्या बांधावर जाऊन करपलेल्या पिकांची पाहणी केली, शेतकऱ्यांशी संवाद...

शिवसेनेचे माजी तालुकाप्रमुख शिवाजीराव शिंदे यांचा मृत्यू;  बीडच्या राजकीय वर्तुळात खळबळ दादाहरी वडगाव येथील राहत्या घरी गळफास;  चार महिन्यांपूर्वी परळीत झाला होता जीवघेणा कोयता हल्ला;  मृत्यूचे कारण अद्याप अस्पष्ट बीड/वृत्तसेवा : बीड जिल्ह्यातील दादाहरी वडगाव येथील रहिवासी आणि शिवसेना (शिंदे गट)चे माजी तालुकाप्रमुख शिवाजीराव शिंदे यांचा शनिवारी, २६ सप्टेंबर २०२६ रोजी, त्यांच्या राहत्या घरी गळफास घेतलेल्या अवस्थेत मृत्यू झाल्याची धक्कादायक घटना समोर आली आहे. घटनेची माहिती मिळताच पोलिसांनी घटनास्थळी धाव घेत पंचनामा केला. त्यानंतर मृतदेह उत्तरीय तपासणीसाठी उपजिल्हा रुग्णालयात हलविण्यात आला. त्यांच्या मृत्यूमागील नेमके कारण अद्याप स्पष्ट झालेले नाही.  शिवाजीराव शिंदे यांच्या अचानक झालेल्या मृत्यूने बीड जिल्ह्यातील राजकीय आणि सामाजिक वर्तुळात मोठी खळबळ उडाली आहे. पोलिसांकडून सध्या मृत्यूच्या सर्व संभाव्य कारणांचा तपास केला जात असून, अधिकृत तपास पूर्ण झाल्यानंतरच या घटनेमागील नेमकी पार्श्वभूमी स्पष्ट होणार आहे.  चार महिन्यांपूर्वी झाला होता जीवघेणा हल्ला शिवाजीराव शिं...

ज्ञानेश कुमार यांच्या निर्णयांना न्यायालयात आव्हान! कोल्हापूर खंडपीठात याचिका;  एसआयआर तातडीने थांबवण्याची मागणी मतदारांची नावे वगळण्यापासून ‘फॉर्म-६’मधील बदलांपर्यंत गंभीर आक्षेप;  स्वतंत्र न्यायिक समिती नेमण्याचीही मागणी कोल्हापूर/वृत्तसेवा : मुख्य निवडणूक आयुक्त ज्ञानेश कुमार यांच्या नेतृत्वाखालील निवडणूक आयोगाच्या कामकाजावरून देशभरात राजकीय आणि घटनात्मक वादंग सुरू असतानाच आता या वादाला न्यायालयीन वळण मिळाले आहे. महाराष्ट्रातील विशेष सखोल मतदार यादी पुनरीक्षण अर्थात एसआयआर (Special Intensive Revision) प्रक्रियेसह निवडणूक आयोगाच्या काही निर्णयांना मुंबई उच्च न्यायालयाच्या कोल्हापूर खंडपीठात दाखल करण्यात आलेल्या याचिकेद्वारे आव्हान देण्यात आले आहे. राजकीय अभ्यासक प्रथमेश गोपाल गवाणकर, गौरव सूर्यकांत नाखरेकर, आदेश शशिकांत भाटकर आणि स्मिताली नीलेश नार्वेकर यांनी ही याचिका दाखल केल्याचे सांगण्यात येत असून, त्यांच्या वतीने ॲड. असीम सरोदे यांच्या नेतृत्वाखालील वकिलांचे पथक काम पाहत आहे. याचिकेत महाराष्ट्रातील सुरू असलेली एसआयआर प्रक्रिया तातडीने थांबवावी, पुनरीक्षणाच्या काळात...

ठाण्यात गस्तीवरील PSI ची हत्या;  सराईत आरोपीकडून हल्ला पोलिस उपनिरीक्षक किसन भोईर यांचा मृत्यू;  राजू वाल्मिकीला अटक,  चितळसर पोलीस ठाण्यात गुन्हा ठाणे/वृत्तसेवा : गणेशोत्सवाच्या पार्श्वभूमीवर शहराच्या सुरक्षेसाठी रात्रीची गस्त घालत असलेल्या पोलिस उपनिरीक्षकाचीच हल्ल्यात हत्या झाल्याने ठाणे शहर हादरले आहे. चितळसर पोलीस ठाण्यात कार्यरत असलेले पीएसआय किसन भोईर (५६) यांचा गुरुवारी (२४ सप्टेंबर) रात्री पोखरण रोड क्रमांक २ परिसरातील सुभाषनगर-गांधीनगर भागात झालेल्या हल्ल्यात मृत्यू झाला. या प्रकरणी पोलिसांनी राजू वाल्मिकी (३०) याला अटक केली असून, तो पोलिसांच्या रेकॉर्डवरील आरोपी असल्याची प्राथमिक माहिती समोर आली आहे. रात्रीच्या गस्तीवर असताना घडला प्रकार मिळालेल्या माहितीनुसार, गुरुवारी रात्री सुमारे ११.१५ वाजण्याच्या सुमारास पीएसआय किसन भोईर हे चितळसर पोलिस ठाण्याच्या कर्मचाऱ्यांसह गस्तीवर होते. पोखरण रोड क्रमांक २ परिसरातील सुभाषनगर भागात एका पानटपरीजवळ मोठी गर्दी झाल्याचे पोलिसांच्या निदर्शनास आले. परिसरातील परिस्थिती नियंत्रणात आणण्यासाठी पोलिसांनी हस्तक्षेप केला. याचवे...

एमपीएससीच्या औषध निरीक्षक परीक्षा पेपरफुटीला नवे वळण! आणखी चार आरोपी जेरबंद;  एक आरोपी बुलढाण्यातील  - अटकेतील आरोपींची संख्या ११ वर मुंबई/वृत्तसेवा :  महाराष्ट्र लोकसेवा आयोगाच्या (एमपीएससी) औषध निरीक्षक (Drug Inspector) पदासाठी घेण्यात आलेल्या परीक्षेच्या कथित पेपरफुटी प्रकरणाने आता आणखी गंभीर वळण घेतले आहे. मुंबई गुन्हे शाखेच्या विशेष तपास पथकाने (SIT) आणखी चार आरोपींना अटक केली असून, या कारवाईमुळे प्रकरणातील अटक आरोपींची संख्या ११ वर पोहोचली आहे. नव्याने अटक झालेल्यांमध्ये दोन परीक्षार्थी आणि दोन कथित मध्यस्थांचा समावेश आहे. मुंबई गुन्हे शाखेच्या माहितीनुसार, साजिद संदे या उमेदवाराला सोलापूर जिल्ह्यातील सांगोला परिसरातून, तर विजय किंगर या उमेदवाराला बुलढाणा जिल्ह्यातून अटक करण्यात आली. याशिवाय संदीप खलाटे आणि भैरवनाथ कदम या दोन्ही कथित मध्यस्थांना नवी मुंबईतून ताब्यात घेण्यात आले. पोलिसांच्या आरोपानुसार, या उमेदवारांनी परीक्षेपूर्वीच प्रश्नपत्रिका अथवा प्रश्नसंच मिळवला होता. एमपीएससीच्या गोपनीय कक्षापासून उमेदवारांपर्यंत पोहोचला प्रश्नसंच? या प्रकरणाच्या तपासात एमप...