"दीसना"

  💥 सावधान .. आता आपल्याला सुरु होतील भ्रमणध्वनी कॉल्स .. मित्रांनो, जेंव्हा सुख, दुःख व त्यातून निर्माण होणाऱ्या काही तातडीच्या  गरजांचा प्रसंग येतो. त्यावेळी कोठून का होईना आपली गरज भागली पाहिजे असे प्रत्येकाला वाटते. ह्याच गरजेतून निर्माण झालेल्या अगतिकतेच्या प्रसंगाचा गैरफायदा घेण्यासाठी अनेक जण टपून बसलेले असतात. असाच प्रसंग पुढे येतोय तो म्हणजे कोरोना विषाणूची लस. त्याची गरज प्रत्येकाला आहे. त्यातल्या त्यात ही लस सर्वात अगोदर आपल्यालाच मिळावी, असा प्रत्येकाचा अट्टाहास असणार आहे. याचाच फायदा घेण्यासाठी इंटरनेटवर अनेक भामटे टपून बसलेले असू शकतात. कोरोना लसीकरणासाठी नाव नोंदणी करा. अशा प्रकारचा कॉल आपल्याला येऊ शकतो. त्यात आपला आधारकार्ड नंबर मागितल्या जाईल. त्यानंतर आपल्या मोबाईलवर एक ओटीपी येईल, असे सांगितल्या जाईल. त्या नंतर ते भामटे पुन्हा कॉल करीत आपल्याकडून ओटीपी घेतील. एवढी प्रक्रिया पूर्ण झाली की दुसऱ्या बाजूला आपल्या खात्यातील रक्कम काढून घेऊन आपली फसवणूक केली जाऊ शकते. त्यामुळे वेळीच सावध व्हा, व हा मेसेज आपल्या निकटवर्तीयांना फॉरवर्ड करा. जेणेकरुन आपल्या सोबत आप...

  वाढदिवस पत्रकारितेतील एका मोकळ्या ढाकळ्या स्वच्छंद व्यक्तिमत्वाचा .. आज संकल्प करु या व सामील होऊ या निखळ नितळ प्रवासात .... सिंदखेडराजा:- वाढदिवस म्हटलं की, जगण्याचा काळ एक वर्षाने कमी होतोय याची जाणीव देणारा दिवस असतो. मात्र त्यालाही काही ना काही निमित्त लावत विविध प्रकारचे कार्यक्रम राबवून सकारात्मक दृष्टिकोन देणारी परंपरा मानवाने जोपासली आहे. आज दि. २३ डिसेंबर, बुधवारी असाच एक आगळा वेगळा वाढदिवस केवळ राज्यच नव्हेतर राष्ट्रव्यापी स्वरूपात समाज माध्यमावर साजरा करण्यात आला. ज्यांचा वाढदिवस साजरा करण्यात आला, ती व्यक्ती म्हणजे पत्रकारितेत राब राब राबून नंतर ऑल जर्नालिस्ट अँड फ्रेंड्स सर्कल ह्या राष्ट्रव्यापी पत्रकार संघटनेची उभारणी करणारे साधी राहणी व उच्च विचारसरणीचे जिवंत उदाहरण असलेले यासिन पटेल. त्यांचं जीवन कोकणात पत्रकारिता करण्यात व त्यानंतर संघटनेची उभारणी करण्यात, त्यासाठी अजूनही कोणत्याही प्रकारच्या संघर्षाला सामोरे जाण्याची ह्या व्यक्तीची तयारी दिसून येते. आपल्या प्रेमळ स्वभावाने, संघटन कौशल्याने माणसे जोडणाऱ्या ह्या अवलियाने आपला सर्व चांगुलपणा पणाला लावला. परंतु त्या...

शहीद प्रदीप मांदळे ह्यांच्या अंत्यसंस्कार प्रसंगी संवेदनशील राहींची प्रसंगाशी भावलेली तद्रूपता ..                          दीसना ✍️ सिंदखेडराजा:- सिंदखेडराजा:- काश्मीर मधील द्रास सेक्टरमध्ये कर्तव्य बजावत असतांना दि. १५ डिसेंबर रोजी हिमकडा कोसळून शहीद झालेल्या प्रदीप साहेबराव मांदळे ह्या वीर जवानाच्या पार्थिवावर रविवार दि. २० डिसेंबरला तालुक्यातील पळसखेड चक्का ह्या त्याच्या मूळगावी अंत्यसंस्कार करण्यात आले. त्यावेळी निर्माण झालेल्या कारुण्य व वीर रसाच्या संमिश्र तसेच वेगळ्याच भावनाप्रधान वातावरणात आपल्या निवेदन शैलीतून प्रख्यात साहित्यिक व संवेदनशील कवी असलेल्या अजीम नवाज राही यांनी उपस्थितांना वेगळ्याच अशा गंभीर व वीरतेच्या विश्वात नेले. आपल्या जीवनात अगदी जगण्याच्या भ्रांतीपासून तर आज स्थिरस्थावर होण्यापर्यंत अजीम नवाज राही ह्यांनी हसत हसत प्रत्येक प्रसंगात संघर्षाचा अनुभव घेतलेला असल्याचे त्यांना जवळून ओळखणारे जाणून आहेत. हे सर्व होत एक एक टप्पा मागे पडत असतांनाही प्रत्येकवेळी त्यांच्यातला साहित्यिक जागरूक राहिला. त्यात...

  शहीद प्रदीप मांदळे ह्यांच्या अंत्यसंस्काराप्रसंगी उपस्थितांनी अनुभवले डॉ. राजेंद्र शिंगणे ह्यांचे पालकत्व सिंदखेडराजा:- काश्मीर मधील द्रास सेक्टरमध्ये कर्तव्य बजावत असतांना दि. १५ डिसेंबर रोजी हिमकडा कोसळून शहीद झालेल्या प्रदीप साहेबराव मांदळे ह्या वीर जवानाच्या पार्थिवावर रविवार दि. २० डिसेंबरला तालुक्यातील पळसखेड चक्का ह्या त्याच्या मूळगावी अंत्यसंस्कार करण्यात आले. त्यावेळी निर्माण झालेल्या कारुण्य व वीर रसाच्या वेगळ्याच भावनाप्रधान वातावरणात जिल्ह्याचे पालकमंत्री असलेल्या डॉ. राजेंद्र शिंगणे ह्यांनी मांदळे कुटुंबीयांचे सांत्वन करण्याची पालकत्वाची भूमिका अनेकांच्या मनात वेगळेच चित्र निर्माण करुन गेली. प्रदीप मांदळे ह्यांचे पार्थिव पळसखेड येथील अंत्यसंस्कार स्थळी पोहोचल्यावर पत्नी कांचन, मुलगा जयदीप, वय ५ वर्षे, सार्थक, वय २ वर्षे, आई शिवनंदा, कृषी सहाय्यक असलेला भाऊ संदीप व दुसरा भाऊ विशाल आदि मांदळे कुटुंबीय विरहाच्या वेदनेने व्याकुळ झाले होते. त्याचवेळी तेथे लष्कर, पोलीस, महसूल, पत्रकारिता, सामाजिक आदि क्षेत्रातील मंडळी आपापल्या कामात होती. त्याचवेळी शहीद प्रदीप मांदळे ह्यां...

 कुठल्याही प्रकारची आमिषे व दबावाला बळी न पडता शिक्षक घेणार स्वतंत्र निर्णय राजकीय पक्षांचे उमेदवार स्पर्धेत नसल्याचे चित्र       अमरावती विभागीय शिक्षक मतदारसंघ                         वृत्तविश्लेषण                 ✍️दीसना✍️ सिंदखेडराजा:- अमरावती विभागीय शिक्षक मतदारसंघातील प्रचाराची रणधुमाळी शेवटच्या टप्प्यात पोहोचली आहे. येत्या १ डिसेंबर, मंगळवारी मतदान होणार आहे. त्यापूर्वी विविध माध्यमातून संपर्क साधणारे उमेदवार तसेच त्यांचे समर्थक आदि सर्वांनाच मतदार शिक्षक तेवढ्याच आत्मीयतेने प्रतिसाद देत असल्याचे दिसून येत आहे. त्यामुळे नेमका कोण उमेदवार यशस्वी होईल? ह्याची शास्वती सध्या तरी नाही. मात्र मतदार शिक्षकांच्या चर्चेतून राजकीय पक्षांनी दिलेले (लादलेले) उमेदवार सोडून अपक्ष उमेदवारातच प्रमुख लढत रंगणार असल्याची चिन्हे सध्यातरी दिसत आहेत. अमरावती विभागीय शिक्षक मतदारसंघातील निवडणुकीच्या पडघमावर वर्षभरापूर्वी पासूनच टिपरी पडली आहे. तेंव्हापासून इच्छुक उमेदवार तयारील...

माजी आमदार तोताराम कायंदे यांनी कोरोना विषाणूशी दिली यशस्वी झुंज कोविड १९ ला नामोहरम करत दोन दिवसांत घरी परतणार   सिंदखेडराजा:- उतरत्या वयातही मन तसेच शरीर खंबीर ठेवले. योग्य प्रकारचा वैद्यकीय सल्ला, उपचार घेतले. त्याला अनुसरुन वैयक्तिक पातळीवर सकारात्मक प्रतिसाद दिला. यातून सिंदखेडराजा विधानसभा मतदारसंघाचे सलग दहा वर्षे प्रतिनिधित्व केलेले माजी आमदार तोताराम कायंदे कोरोना विषाणूला नामोहरम करीत कोविड १९ रोगातून मुक्त होत येत्या दोन दिवसांत घरी परतणार असल्याची खात्रीशीर माहिती कायंदे कुटुंबियांकडून प्राप्त झाली आहे. तोताराम कायंदे यांचा प्रचंड जनसंपर्क आहे. त्यात सातत्य ठेवणासाठी वेळोवेळी आपल्या निष्ठावान कार्यकर्त्यांना वेळोवेळी भेटी देण्यात कायंदे मतदारसंघात मोजक्या राजकारण्यांपैकी एक आहेत. वयाच्या पंचाहत्तरीत टवटवीत राहून अथक परिश्रम घेत संपर्कात राहण्याचे त्यांचे कार्य नवयुवकाला लाजविण्याजोगे आहे. गेल्या मार्च पासून कोरोना संसर्गाची पार्श्वभूमी असतांना, इतर काही राजकारणी फक्त मोबाईल व सोशल मीडियावर संपर्क ठेवत असतांना, कायंदे यांनी आपल्या निष्ठावान कार्यकर्त्यांच्या सुखदुःखात धा...

 काटे कुटुंबीयांवर काळाचा तिसरा घाला हृदयविकाराच्या धक्क्याने एकनाथ काटे यांचे आज निधन  सर्वत्र व्यक्त होतेय हळहळ सिंदखेडराजा:- पांग्री येथील काटे कुटुंबातील एकनाथ भिवसन काटे यांचे आज दुपारी हृदयविकाराच्या धक्क्याने निधन झाले आहे. मृत्यूसमयी त्यांचे वय ६२ वर्षे होते. एका महिन्याच्या कालावधीत काटे कुटुंबातील तिसऱ्या व्यक्तीचे निधन झाल्याने हळहळ व्यक्त होत आहे.  काटे कुटुंबातील वयोवृद्ध श्रीमती द्वारकाबाई भिवसन काटे यांचे दि. १८ सप्टेंबर, शुक्रवारी सकाळी वयाच्या ९५ व्या वर्षी निधन झाले. त्यानंतर परवा दि. १२ ऑक्टोबर, सोमवारी सायंकाळी हरिश्चंद्र साहेबराव काटे यांचे कोविड १९ आजाराने औरंगाबाद येथील इस्पितळात निधन झाले. मृत्यूसमयी ते ४२ वर्षांचे होते. काल दि. १३ ऑक्टोबर, मंगळवारी सकाळी औरंगाबाद येथे अंतिम संस्कार करण्यात आले. त्यानंतर काटे कुटुंबीय साखरखेर्डा येथे परतले होते. कोरोना संसर्गाच्या पार्श्वभूमीवर कुटुंबीयांनी रक्षाविसर्जन तसेच इतर सर्व कार्यक्रम रद्दबातल केले होते. तसेच भेटीसाठी येण्याऐवजी आहात तेथूनच श्रद्धांजली अर्पण करण्याचे आवाहनही केले होते. त्यानंतर आज दि. १४ ऑ...

साखरखेर्डा येथे पुन्हा तीन कोरोना पॉझिटिव्ह व्यक्ती आढळल्या, आता संख्या पोहोचली आठ वर .. सिंदखेडराजा:- तालुक्यातील साखरखेर्डा येथे काल दि. ३० जुलै, गुरुवारी पाच व्यक्ती कोरोना पॉझिटिव्ह आल्यानंतर आज दि. ३१ जुलै, शुक्रवारी पुन्हा तीन व्यक्ती कोरोना पॉझिटिव्ह आल्याचे वृत्त आहे. त्यातून साखरखेर्डा येथील कोरोना पॉझिटिव्ह रुग्णांची संख्या एकूण आठ झाली आहे. त्यामुळे प्रशासनासह नागरिकांनी ही समस्या गंभीरपणे हाताळत, अंतर्मुख होऊन उपाययोजना करण्याची गरज निर्माण झाली आहे.  साखरखेर्डा येथील ग्रामस्थांनी यापूर्वीच्या परिस्थितीत ज्या गांभीर्याने कोरोना विषाणू प्रसाराची दखल घेतली होती. त्यात कुठेतरी हलगर्जीपणा आल्याचे आढळून येत आहे. यातूनच गावात तसेच कुटुंबांच्या संपर्कात येणाऱ्या व्यक्ती दुर्लक्षित होत गेल्या. ह्या हलगर्जीपणातूनच कोरोना विषाणू प्रसाराला वाव मिळाला असल्याची शक्यताही नाकारता येत नाही. काल दि. ३० जुलै, गुरुवारी बसस्थानक परिसरातील दोन तसेच गावाच्या अंतर्गत भागातील तीन व्यक्ती कोरोना पॉझिटिव्ह आल्या आहेत. त्यानंतर आता विविध क्षेत्रातील व्यक्ती कामाशिवाय बाहेर पडणार नाहीत अशी अपेक्षा...

निधन वार्ता .. पांडुरंग सुरळकर गुरुजी सिंदखेडराजा:- साखरखेर्डा येथील पांडुरंग बंडूजी सुरळकर, गुरुजी यांचे आज  दि. ३१ जुलै, शुक्रवारी सकाळी निधन झाले आहे. मृत्यूसमयी त्यांचे वय ९२ वर्षे होते. सुरळकर गुरुजी हे मोडी लिपीचे जाणकार होते. हिवरा आश्रम, ता. मेहकर येथील विवेकानंद आश्रमचे संस्थापक स्व. स्वामी शुकदास महाराज ह्यांना इयत्ता पहिली ते चौथी पर्यंत शिक्षणाचे धडे दिले होते. त्यांच्या पश्चात दोन मुले, तीन मुली, सुना, नातवे, पतवंडे असा बराच मोठा मित्र परिवार आहे. साधी राहणी व उच्च विचारसरणीचा जुना जाणता शिक्षकाच्या निधनामुळे शैक्षणिक क्षेत्रात शोक व्यक्त होत आहे. आपण नोंद घेऊन, संबंधितांना कळवावे. भावपूर्ण श्रद्धांजली ...!           🌹🙏

गारखेड येथील कोरोना पॉझिटिव्ह व्यक्तीच्या संपर्कातील चार व्यक्ती कोरोना पॉझिटिव्ह  सिंदखेडराजाः- जालना येथील सामान्य रुग्णालयात उपचार घेत असलेली तालुक्यातील गारखेड येथील एक व्यक्ती दि. २ जुलै, गुरुवारी कोरोना पॉझिटिव्ह आली होती. दि. ३ जुलै, शुक्रवारी त्याच्या संपर्कातील १७ व्यक्तींचे स्वॅब घेऊन तपासणीसाठी पाठविण्यात आले होते. त्यातील चार व्यक्ती कोरोना पॉझिटिव्ह आल्याची माहिती तालुका आरोग्य अधिकारी डॉ. सदानंद बनसोड यांनी दिली आहे. यामध्ये गारखेड येथील तीन व्यक्ती तर वर्दडी येथील एक व्यक्ती असल्याचेही डॉ. सदानंद बनसोड यांनी सांगितले आहे. हे वृत्त येताच तालुक्यात खळबळ उडाली असून, विविध प्रकारच्या शंकात्मक चर्चांना पेव फुटले आहे.

💥 * _ ब्रेंकिंग _ * * _ विदेशातुन परतलेल्या एका विद्यार्थ्याचा रिपोर्ट आला कोरोना पॉझिटिव्ह.. _ * _ बुलडाणा _ गुरुवार, दि. २८ मे २०२० _ 'वंदे मातरम्' मोहिमेअंतर्गत विदेशातून भारतीय मोठ्या प्रमाणात मायदेशी परत आणल्या जात आहेत, त्यात विद्यार्थ्यांचाही समावेश आहे.. बुलडाणा येथील जे विद्यार्थी फिलिपाईन्सला मेडिकलच्या शिक्षणासाठी गेलेले होते, त्यांना हि परत आणल्या गेले असून 12 मे रोजी ते बुलढाण्यात आले आले. आल्यानंतर त्यांना बुलडाणा अर्बन रेसिडेन्सी मध्ये क्वारंटीनही ठेवण्यात आले होते. दरम्यान 14 दिवस पूर्ण झाल्याने ते घरी परतले. मात्र त्यानंतर आलेल्या स्वाब रिपोर्टमध्ये एका विद्यार्थ्यांचा रिपोर्ट पॉझिटिव्ह आला असून, तो विद्यार्थी धाड नाका परिसरात राहतो. _ _ त्या विद्यार्थ्याचा रिपोर्ट रात्री उशिरा प्राप्त झाला असून तो पॉझिटिव्ह आल्यामुळे एकच खळबळ उडाली आहे, विशेष म्हणजे क्वारंटीन पिरियड पूर्ण झाल्यानंतर इतक्या उशिरा रिपोर्ट येणे व व तत्पूर्वीच स्वाब घेतलेल्यांना मोकळे करणे, हे मात्र गुंतागुंतीचे वाटत असून याबाबत आरोग्य विभागाकडून अद्याप काहीही स्पष्टीकरण आलेले नाही. _ _ त्...

किनगावराजा येथे बाहेरुन येणाऱ्यांची नोंदणी केली बंद क्वारंटाईन व्यक्तींचा गावात बिनधास्त संचार पंचायत, आरोग्य, महसूल, पोलीस विभागांनी दखल घेण्याची गरज सिंदखेडराजा:- तालुक्यातील किनगावराजा येथे बाहेर गावावरुन आलेल्या लोकांची संख्या हजाराच्या घरात असून, ग्रामपंचायतद्वारे सुरुवातीला दोनशे एवढीच नोंदणी करण्यात येऊन पुढील नोंदणी बंद आली आहे. त्यातल्या त्यात होम क्वारंटाईन केलेल्या तसेच नव्याने बाहेरुन आलेल्या व्यक्ती गावात बिनधास्तपणे फिरत असल्याचे चित्र आहे. आलेल्या व्यक्तींसाठी ग्रामपंचायतकडून क्वारंटाईन केंद्राच्या जागेची व्यवस्थाही करण्यात आली नाही. यामुळे संबंधित ग्रामपंचायत, आरोग्य, पोलीस व महसूल आदि यंत्रणांनी लवकरात लवकर दखल घेत कारवाई करण्याची गरज निर्माण झाली आहे. किनगावराजा येथून नोकरी, व्यवसाय, शिक्षण आदि बाबींसाठी बाहेरगावी असलेल्या व्यक्तींची संख्या हजारोच्या घरात आहे. कोरोना विषाणूच्या पार्श्वभूमीवर दिल्ली, राजस्थान, गुजरात, मध्यप्रदेश आदि राज्यासह  मुंबई, ठाणे, पुणे, लातूर, नाशिक, नागपूर, अकोला या मोठ्या शहरातून अनेक व्यक्ती टप्प्याटप्प्याने परतत आहेत. ग्रामपंचायतने परतण...

कोरोना पॉझिटिव्ह व्यक्तीच्या संपर्कात आल्याचे स्पष्ट झाल्याने क्वारंटाईन व्यक्तीला बुलडाणा येथे हलविले सिंदखेडराजा:- कोरोना पॉझिटिव्ह व्यक्तीच्या संपर्कात आल्याचे स्पष्ट झाल्याने तालुक्यातील  वाघाळा येथे क्वारंटाईन असलेल्या कोरोना संशयित व्यक्तीची काल दि. २६ मे, मंगळवारी रात्री बुलडाणा येथे रवानगी करण्यात आली आहे. तालुक्यातील मलकापूर पांग्रा प्राथमिक आरोग्य केंद्र अंतर्गत असलेल्या वाघाळा येथील एक व्यक्ती मुंबई येथून परतली होती. ह्या व्यक्तीला वाघाळा येथील सरपंच अंजली रामेश्वर सोनुने यांनी १४ दिवसांसाठी क्वारंटाईन करीत जिल्हा परिषदेच्या शाळेत राहण्याची व्यवस्था केली होती.  मात्र क्वारंटाईन असलेली ही बत्तीस वर्षीय व्यक्ती मुंबईवरुन परत येत असतांना भंडारा जिल्ह्यातील कोरोना पॉझिटिव्ह व्यक्तीच्या संपर्कात आली असल्याचे भंडारा जिल्हाधिकारी यांचे पत्र काल दि. २६ मे, मंगळवारी दुपारी यंत्रणेला प्राप्त झाले. त्यावरुन वैद्यकीय अधिकारी डॉ. परमेश्वर चाटे, डॉ. भाग्यश्री गायकवाड, आरोग्य सहाय्यक विजय गोसावी, आरोग्यसेवक कारभारी वाकोडे, सरपंच अंजली रामेश्वर सोनुने, तलाठी पंकज देशमुख, ग्रामसेवक ...

परप्रांतात स्वगृही पायदळी परतणाऱ्या तरुणांसाठी विनोद वाघ यांनी बसची केली व्यवस्था सिंदखेडराजा:- तालुक्यात सुरु असलेल्या समृद्धी महामार्गाच्या कामावर असलेल्या २४ परप्रांतीय युवकांनी पायदळी निघत घर गाठण्याचा प्रयत्न काल दि. २४ मे, रविवारी केला होता. अवघे दोन कि. मी. अंतर पार करीत नाही तोच भाजपचे प्रदेश चिटणीस विनोद वाघ यांनी त्यांच्यासाठी जेवण व राहण्याची व्यवस्था करीत आज परिवहन महामंडळाच्या बसची व्यवस्था केली. मध्यप्रदेश येथील २४ तरुण नागपूर ते मुंबई ह्या प्रस्तावित समृद्धी महामार्गाच्या तालुक्यातील तढेगाव येथील केंद्रामार्फत सुरु असलेल्या कामावर रोजगार होते. कोरोना विषाणू संसर्गाच्या पार्श्वभूमीवर सर्वत्र असलेल्या लॉकडाऊन मध्येही हे काम सुरुच असल्याने, इच्छा असूनही घरी जाता येत नव्हते. अधून मधून जाण्याची इच्छा व्यक्त केली तर लॉकडाऊन लवकरच संपणार म्हणत ठेकेदाराची मंडळी युवकांना विरोध करायची. मात्र लॉकडाऊन चौथ्या टप्प्यावर पोहोचल्याने हे २४ युवक प्रचंड अगतिक झाले होते. काहीही करुन आता मध्यप्रदेशात स्वगृही निघायचे व पोहोचायचेच असा निश्चय त्यांनी केला. त्यासाठी काल दि. २४ मे, रविवारी दुपार...

तहानेने व्याकुळ बैलांना कुमारवयीन युवकाने पाजले पाणी .. जावे त्यांंच्या वंशा तेंव्हा कळे .. उक्तीचा आला प्रत्यय .. सिंदखेडराजा:- खरिपाच्या पेरणीसाठी शेती मशागतीची कामे अंतिम टप्प्यात आहेत. याचवेळी बी - बियाणे, खतांच्या बेगमीसाठी तहानभूक विसरून शेतकरी खरेदीची लगबगही करु लागला आहे. अशाच एका प्रसंगात तालुक्यातील दुसरबीड येथे बैलगाडी सोडून तिथेच बैलांना बांधत मालक कामासाठी गेला असतांना त्याच्या व्याकुळ बैलांना एका कुमारवयीन युवकाने पाणी पाजल्याची घटना लक्षवेधी ठरली आहे. मुंबई ते नागपूर राज्य महामार्गावरील सिंदखेडराजा तालुक्यातील दुसरबीड या गावाला अनेक खेडी जोडलेली असल्याने तसेच काही वर्षांपूर्वीपर्यंत सुरु असलेल्या सहकारी साखरकारखान्यामुळे बाजारपेठेचे स्वरुप प्राप्त झालेले आहे. त्यामुळे परिसरातील गावांतील ग्राहकांची रेलचेल येथे नेहमी आढळून येते. सध्या कोरोना विषाणू पार्श्वभूमीवर येथील वर्दळ कमी झालेली असली तरीही महत्वाच्या कामासाठी परिसरातील ग्रामस्थांना येथे यावेच लागते. आज दि. २५ मे, सोमवारी १० वा. च्या सुमारास परिसरातील एक शेतकरी आपली बैलगाडी घेऊन खते व बी - बियाणे खरेदीसाठी दुसरबीडला आ...

परप्रांतीय प्रवाश्यांना राज्य सीमेकडे घेऊन निघालेल्या बसला अपघात सुदैवाने जीवितहानी नाही सिंदखेडराजा:- कोरोना विषाणू प्रसाराच्या पार्श्वभूमीवर ठाणे येथून परप्रांतीय प्रवाश्यांना छत्तीसगड राज्य सीमेवरील देवरी चेकपोस्टपर्यंत सोडवण्यासाठी जाणाऱ्या बसचा अपघात झाला. आज दि. २४ मे, रविवारी सकाळी ५ वा. च्या सुमारास मुंबई ते नागपूर राज्य महामार्गावर तालुक्यातील किनगावराजा नजीक घडलेल्या या घटनेदरम्यान चालकाच्या सतर्कतेमुळे जीवितहानी झाली नाही, तर फक्त तीन प्रवाशी किरकोळ जखमी झाले आहेत. या प्रवाश्यांना मेहकर आगाराच्या बसने पुढील प्रवासासाठी रवाना करण्यात आले आहे. कोरोना विषाणूच्या पार्श्वभूमीवर राज्य शासनाच्या वतीने परप्रांतीय नागरिकांना एस. टी. बसने त्यांच्या राज्याच्या सीमेपर्यंत सोडविण्यात येत आहे. या मोहीमेअंतर्गत काल दि. २३ मे, शनिवारी सकाळी ठाणे येथून २६ परप्रांतीय प्रवाश्यांना घेऊन नाशिक विभागातील पेठ आगाराची एस. टी. बस क्र. एम. एच. ४० - ५६५९ निघाली होती. दुपारी २.३० वा. नाशिक येथे आल्यावर चालकांची बदली होऊन नाशिक आगाराचे चालक बी. एम. थोरवे व केशव थोरात यांनी पुढील प्रवासाला सुरुवात केली. ...

मध्यप्रदेशात जाण्यासाठी निघालेल्या महिलेची सिंदखेडराजा मध्ये प्रसूती सिंदखेडराजा:- लॉकडाऊन दरम्यान खाजगी रुग्णवाहिकेने आपल्या राज्यात परतणाऱ्या कुटुंबातील गर्भवती महिला त्याच गाडीत प्रसूत झाल्याची घटना आज दुपारी ४ वा. सुमारास घडली. सिंदखेडराजा पासून अवघ्या दोन किमी अंतरावर महिला प्रसूत झाल्याची माहिती मिळताच त्या महिलेला येथील ग्रामीण रुग्णालयात दाखल करीत बाळाची नाळ कापण्यात आली. त्यानंतर काही वेळाने हे कुटुंबीय आपल्या मार्गाने रवाना झाले. लॉकडाऊनमुळे सर्वसामान्य जनतेचे कोणत्या प्रकारे हाल होत आहे, ह्याचा वेगळा प्रकार आज अनुभवास आला. मध्यप्रदेशातील खंडवा येथील नंदू पाटील, वय ३३ वर्षे व त्यांची पत्नी रुख्मिणी, वय २९ वर्षे हे पती पत्नी अंबड तालुक्यात शेतीमध्ये सालाने काम करण्यासाठी गेलेले होते. याच दरम्यान कोरोना विषाणूच्या उद्रेकाचे वातावरण निर्माण झाले. त्यातच रुख्मिणी पाटील या गर्भवती होत्या. तर दुसरीकडे लॉकडाऊनचे टप्पेही एक एक करीत वाढत चालले होते. त्यामुळे पती नंदू पाटील यांनी आपल्या मध्यप्रदेशातील घरी जाण्यातच भले असल्याचे मनोमन निश्चित केले. यासाठी खाजगी रुग्णवाहिका भाड्याने केली....

काँग्रेसच्या महत्वाच्या पदावरुन माजी आ. सपकाळ यांच्या गच्छंतीमागे मातृतीर्थ मतदार संघातील घडामोडी ..?? सिंदखेडराजा:- अखिल भारतीय स्तरावर काँग्रेसचे सचिव तसेच गुजरात व मध्यप्रदेश सहप्रभारी असलेले माजी आमदार हर्षवर्धन सपकाळ यांची दोन्ही पदावरुन नुकतीच गच्छंती करण्यात आली आहे. यामध्ये काँग्रेस अंतर्गत चर्चांमधून मातृतीर्थ सिंदखेडराजा मतदार संघाचे महत्वपूर्ण योगदान असल्याची शक्यता नाकारता येणार नाही. बुलडाणा विधानसभा मतदारसंघाचे प्रतिनिधी राहिलेल्या हर्षवर्धन सपकाळ यांची अखिल भारतीय काँग्रेसच्या सचिव तसेच गुजरात व मध्यप्रदेश काँग्रेसचे सहप्रभारी पद नुकतेच काढून घेण्यात आले आहे. त्याचवेळी जिल्ह्याचे माजी खासदार तसेच केंद्रातील माजी मंत्री मुकुल वासनिक यांचे नावही मध्यप्रदेश काँग्रेसचे प्रभारी म्हणून समोर आले आहे. या घडामोडींच्या काही दिवसांपूर्वीच सिंदखेडराजा मतदारसंघातील समाजमाध्यमावरील एका गृपवर यासंदर्भात चर्चा झाली होती. त्यामधील दोघा पदाधिकाऱ्यांच्या चर्चेत सपकाळ यांचे भक्त म्हणता येईल असे कट्टर समर्थक तर दुसऱ्या बाजूने वासनिक समर्थक अशी काहीशी वैयक्तिक पातळीपर्यंत जाणारी चर्चा दिसून आ...

प्रशासकीय अनास्थेपायी आर्थिक विवंचनेतील शेतकरी अडचणीच्या काळात अनुदानापासून वंचित सिंदखेडराजा:- विविध योजनांमध्ये शेतकऱ्यांची करोडो रुपयांची थकबाकी शासनाकडून येणे बाकी असल्याची परिस्थिती आहे. कोरोनाचे वातावरण तसेच खरीप हंगामाच्या तोंडावर आर्थिक अडचणीत असलेल्या शेतकऱ्यांना ही रक्कम मिळाल्यास थोडाफार हातभार लागू शकते. मात्र प्रशासकीय स्तरावरील अनास्था ह्या सर्व प्रकाराला कारणीभूत असल्याने संबंधितांनी याकडे गंभीरपणे लक्ष देण्याची गरज निर्माण झाली आहे. पंतप्रधान कृषी सिंचन योजनेअंतर्गत तुषार तसेच ठिबक सिंचन आदि बाबींसाठी संबंधित विभागाकडून शेतकऱ्यांना उद्युक्त करण्यात आले होते. यांत्रिकीकरण करण्यासाठी असलेल्या योजनेअंतर्गत रोटाव्हेटर, मळणी यंत्र, पेरणी यंत्र याचाही तसेच सामूहिक शेततळे, शेडनेट शेती लाभ काही शेतकऱ्यांनी घेतला आहे. तसेच पोक्रा योजनेतील अशी जवळपास सर्वच अनुदाने प्रलंबित आहेत. याचवेळी भाऊसाहेब फुंडकर फळबाग योजनेत मागील वर्षी अर्ज केलेल्या शेतकऱ्यांनी स्वतःच्या रकमेतून संबंधित फळवर्गीय पिकांच्या कलमांची लागवड मागच्या वर्षी जून - जुलै २०१९ मध्ये केलेली आहे. तसेच त्यांना आवश्यक अस...

दुचाकी अपघातात जि .प. शिक्षक राहुल उर्फ आरपी गवई यांचा दुर्दैवी मृत्यू सिंदखेडराजा:- जिल्हा परिषद प्राथमिक शिक्षकाचा साखरखेर्डा येथे अपघात होऊन, चिखली येथे उपचारादरम्यान मृत्यू झाल्याची घटना आज दि. २१ मे, गुरुवारी दुपारी घडली आहे. या घटनेमुळे शैक्षणिक व सामाजिक क्षेत्रात हळहळ व्यक्त होत आहे. साखरखेर्डा येथील राहुल प्रल्हाद गवई वय ४९ वर्षे हे चिखली येथून दुचाकीने घराकडे परतत होते. दुपारी २.०० च्या सुमारास साखरखेर्डा येथील लव्हाळा मार्गावरील स्व. भास्करराव शिंगणे महाविद्यालया समोर असलेल्या गतिरोधकावर त्यांची दुचाकी अनियंत्रित झाल्याने स्लिप होऊन अपघात घडला. या घटनेत त्यांच्या डोक्याला व चेहऱ्याला जबरदस्त मार लागला. त्याचवेळी साखरखेर्डा येथून चिखली येथे जाणाऱ्या एका खाजगी वाहनचालकाने जखमी अवस्थेतील राहुल गवई यांना आपल्या वाहनाने चिखली येथील खाजगी इस्पितळात उपचारासाठी दाखल केले. दरम्यान गवई यांच्या चिखली येथील नातेवाईकांना संदेश प्राप्त झाल्याने ते सुद्धा खाजगी दवाखान्यात उपस्थित झाले. मात्र डोक्याला असलेल्या माराच्या निदानासाठी सिटी स्कॅन करण्यापूर्वीच राहुल गवई यांची प्राणज्योत मावळली. य...

चार वर्षीय बालकाचा विहिरीत पडून मृत्यू मुलाला वाचवण्यासाठी आईने मारली होती विहिरीत उडी सिंदखेडराजा:- तालुक्यातील दरेगाव येथे चार वर्षीय बालकाचा विहिरीत पडून मृत्यू झाल्याची घटना आज सकाळी घडली आहे. या दुर्दैवी घटनेमुळे परिसरात शोककळा पसरली आहे. दरेगाव येथील तेजस अनिल काळुसे हा चार वर्षीय मुलगा आपल्या आई अश्विनी सोबत गावाशेजारच्या परिसरातील शेतात गेला होता. आई थोडी बाजूला गेली असता तेजस हा खेळता खेळता विहिरीकडे गेला व त्या विहिरीत पडला. त्याचा आवाज ऐकून आई अश्विनीने त्याच्या पाठोपाठ विहिरीत उडी मारली. मात्र दुर्दैवाने तेजसला वाचवू शकली नाही.  यासंदर्भात साखरखेर्डा ठाणेदार संग्राम पाटील यांच्या मार्गदर्शनाखाली बीट जमादार सुरतसिंग इंगळे, विशाल बनकर यांनी घटनास्थळी येऊन पंचनामा करीत, मृतदेह शवविच्छेदनासाठी सिंदखेडराजा येथे रवाना केला आहे. एकुलता एक मुलगा असलेल्या तेजसच्या मृत्यूमुळे दरेगाव परिसरात हळहळ व्यक्त होत आहे. एकुलता एक मुलगा असलेल्या तेजसच्या मृत्यूमुळे दरेगाव परिसरात हळहळ व्यक्त होत आहे.

दोन चिमुकल्यांंसह मातेचा मृतदेह विहिरीत आढळला दुसरबीड परिसरात एकच खळबळ सिंदखेडराजा:- दोन चिमुकल्यांसह एका विवाहितेचा मृतदेह विहिरीत आढळून आल्याची घटना आज सकाळी दुसरबीड येथे उघडकीस आली आहे. यामुळे तालुकाभरात एकच खळबळ उडाली आहे. दुसरबीड येथील स्वाती अमोल जगदाळे वय २८ ही विवाहिता दि. १७ मे, रविवारी उत्तररात्री १ वा. च्या सुमारास ११ वर्षीय मुलगा गणेश व ९ वर्षीय मुलगी मयुरी ह्यांना शौचास नेते म्हणून घरातून बाहेर गेली होती. खूपवेळ होऊनही ती परतली नाही, म्हणून कुटुंबिय व इतरांनी रात्रभर तसेच काल दिवसभर तिघांचाही प्रत्यक्ष तसेच संपर्काद्वारे शोध घेतला. मात्र तिघेही आढळून आले नाहीत.  आज दि. १९ मे, मंगळवारी सकाळी ६.३० वा. सुमारास दुसरबीड गावानजीक मेहकर मार्गाला लागून असलेल्या सार्वजनिक विहिरीत तिघांचेही मृतदेह आढळून आले. त्यामुळे परिसरात एकच खळबळ उडाली.  यासंदर्भात माहिती कळताच किनगावराजा पोलिसांनी घटनास्थळी येऊन पंचनामा केला. पती अमोल भगवान जगदाळे ह्यांच्या फिर्यादीवरुन पोलिसांनी आकस्मिक मृत्यूची नोंद करीत मृतदेह शवविच्छेदनासाठी सिंदखेडराजा येथे पाठविण्यात आले आहेत.

स्वतःच्या लेकापासून ५६ दिवसांच्या विरहातही कोरोना वार्डात गरोदर स्त्रियांच्या सेवेत व प्रसूतीत अधिपरिचरिका शोधतेय आनंद सिंदखेडराजा:- कोविड १९ रोगाच्या साथी मध्ये कोरोना वारीअर्स आपापल्या आघाड्यांवर चोख कामगिरी बजावत आहेत. त्याद्वारे होणाऱ्या मानवतेच्या सेवेचा आनंद व समाधान स्वतःसह, कुटुंब तसेच परिसरात व्यक्त होत असल्याचे चित्र निर्माण होत आहे. असाच एक प्रकार स्वतःच्या सहा वर्षीय मुलापासून दूर राहत, स्त्री रुग्णालयातील कोरोना वार्डात सेवा देणाऱ्या अधिपरिचरिका अनुराधा सपकाळ खिल्लारे यांच्या बाबतीत आढळून आला आहे.  देऊळगावमही येथील ग्रामीण रुग्णालयात रणजीत खिल्लारे हे प्रयोगशाळा तंत्रज्ञ म्हणून तर पत्नी अनुराधा सपकाळ खिल्लारे ह्या अधिपरिचरिका म्हणून सेवारत होत्या. अनुराधा सपकाळ खिल्लारे यांची  प्रशासकीय बाबीमुळे बुलडाणा येथे बदली झाली आहे. तेथेही कोरोना वार्ड असलेल्या स्त्री रुग्णालयात त्यांची ड्युटी लागली. त्याला सकारात्मक कर्तव्याचा भाग म्हणून सपकाळ यांनी घेऊन आपल्या सेवेला सुरुवात केली. या दरम्यान या वार्डातील प्रसूती विभागातील गरोदर स्त्रिया व छोटछोट्या बालक बलिकांना जीव लावत,...

सामाजिक परिवर्तनास कोरोना ठरतोय कारणीभूत .. परंपरा आणि नाविन्याचा विवाहात साधला मेळ .. सिंदखेडराजा:- सध्याच्या संचारबंदी काळात समाजातील विविध प्रसंग, उत्सव व सोहळ्यांची पद्धत बदलत चालली असून, अनेक व्यक्ती, कुटुंबे आदि ह्या परिवर्तनाला मोठ्या उत्साहात व खुबीने स्वीकारत असल्याचे सकारात्मक चित्र हळूहळू रुजत चालले आहे. याचा प्रत्यय आज दि. १७ मे, रविवारी एका शिक्षक तथा पत्रकाराच्या लग्नसमारंभात घडवून आणलेल्या पारंपरिक व नावीन्याचा मेळातून आढळून आला. तालुक्यातील किनगावराजा येथील शिवाजी भिकाजी काळुसे यांचे शिक्षक तथा पत्रकार असलेले चिरंजीव गजानन यांचा विवाह जवळच असलेल्या सावखेड तेजन येथील विष्णू कडूबा बुधवत यांची कन्या सीमा हिच्यासोबत ठरला होता. फेब्रुवारी महिन्यात जुळलेल्या रेशीमगाठी ६ एप्रिल रोजी विवाह बंधनात रुपांतरीत करीत नवदाम्पत्य संसारसागरात उतरणार होते. मात्र मध्येच अचानक कोरोना विषाणू प्रसारातून होणाऱ्या कोविड १९ रोगाचे संकट अभावितपणे उभे राहिले. त्यामुळे संचारबंदी लागू झाली. संचारबंदी उठल्यावर विवाह सोहळा आयोजन करण्याचे ठरले. मात्र त्याचेही तीन टप्पे संपत येऊन चौथ्या टप्प्याला सुरुव...

मलकापूर पांग्रा येथे कोरोना पॉझिटिव्ह बालिका आढळल्याने एकच खळबळ कुटुंबियांसह कालच मुंबईहून परतली होती घरी आरोग्य व प्रशासकीय यंत्रणा सतर्क मुलीसह तेरा जणांना केले बुलडाणा रवाना सिंदखेडराजा:- किडनी आजाराच्या उपचारासाठी मुंबईला कुटुंबियांसह जाऊन, अचानक तालुक्यातील मलकापूर पांग्रा प्रा. आ. केंद्रांतर्गत पांग्रा येथे काल दि. १३ मे रोजी परतलेली ८ वर्षीय मुलगी कोरोना पॉझिटिव्ह निघाल्याने जिल्हाभरात खळबळ उडाली आहे. ह्या प्रकरणी प्रशासनाने तातडीने पावले उचलत मुलीसह हायरिस्क कॉन्टॅक्ट मधील १३ व्यक्तींना तपासणी व उपचारासाठी बुलडाणा येथे पाठविले आहे. मलकापूर पांग्रा प्राथमिक आरोग्य केंद्रांतर्गत पांग्रा येथील एका ८ वर्षीय मुलीला किडनी विकाराने ग्रासल्याने, तिच्या कुटुंबीयांनी दोन महिन्यांपूर्वी उपचारासाठी मुंबई गाठली होती. जे. जे. इस्पितळात दोन महिन्यांपासून या मुलीवर उपचार सुरु होते. याच दरम्यान कोविड १९ रोगाचा प्रसार मुंबईत मोठ्या प्रमाणावर होत असल्याने तसेच ह्या मुलीला कोरोनाची लक्षणे जाणवत होती. त्यामुळे तेथील वैद्यकीय अधिकाऱ्यांनी तीन दिवसांपूर्वी तिचा स्वॅब नमुना घेऊन तपासणीसाठी पाठवला होता...

दोन महिन्यांपासून पगार नाहीत जि. प. शिक्षक वर्ग अडचणीत सिंदखेडराजा:- सलग दोन महिन्यांपासून पगार खोळंबले असल्याने जिल्हा परिषद शिक्षकांना आर्थिक अडचणींना सामोरे जावे लागत आहे. त्यामुळे लवकरात लवकर पगाराची तरतूद करण्याची मागणी म. रा. प्राथमिक शिक्षक संघ व कास्ट्राईब संघटनेच्या पदाधिकाऱ्यांनी केली आहे.  यासंदर्भात प्रसार माध्यमांना  दिलेल्या निवेदनात म्हटले आहे की, सिंदखेडराजा पंचायत समिती अंतर्गत कार्यरत जिल्हा परिषद शिक्षकांचे मार्च व एप्रिल अशा सलग दोन महिन्यांचे पगार मे महिन्याच्या अर्ध्यावर येऊन सुद्धा झालेले नाहीत. त्यातल्या त्यात फेब्रुवारी महिन्यातच आयकर कपात झाली असल्याने शिक्षकांजवळची गंगाजळी सुद्धा लवकर संपुष्टात आली आहे. त्यातच अडचणीत भर म्हणजे वेळेवर पगार झाले नसल्याने बहुसंख्य शिक्षकांवर असलेल्या गृहकर्ज, एलआयसी तसेच इतर बँका व पतसंस्था यांच्या कर्जाचे हप्ते भरता येत नसल्याने त्याच्यावरील व्याज व दंडाच्या रकमेचा बोजाही वाढत आहे. याचवेळी घरखर्च करणेही मुश्कील झाले आहे.  यासंदर्भात पंचायत समितीच्या शिक्षण आस्थापना विभागात विचारणा केली असता जिल्हा परिषदेकडून निधी ...

अज्ञात वाहनाच्या धडकेत दुचाकीस्वार एक युवक ठार तर दुसरा गंभीर जखमी सिंदखेडराजा:- अज्ञात वाहनाने दुचाकीला दिलेल्या धडकेत दुचाकीवरील एका युवकाचा जागीच मृत्यू झाला असून दुसरा गंभीर जखमी झाला आहे. मुंबई - नागपूर महामार्गावर तालुक्यातील दुसरबीड येथील राजहंस इंडेन गॅस एजन्सी नजीक सायंकाळी ६ वा. घडलेल्या या घटनेतील धडक देणारे वाहन फरार करण्यात आले आहे. राहेरी येथील पान विक्रीचा व्यवसाय करणारा युवक विजय गजानन केवट, वय १९ वर्षे व संतोष नानाभाऊ डोंगरदिवे, वय १८ हे दोघेजण दुसरबीड येथून राहेरी येथे दुचाकीने परतत होते. त्यावेळी एका भरधाव अज्ञात वाहनाने त्यांच्या दुचाकीला धडक दिली. या घटनेत गजानन केवट याचा जागीच मृत्यू झाला असून संतोष डोंगरदिवे हा गंभीर जखमी झाला आहे. अपघात घडल्यावर अज्ञात वाहन घटनास्थळावरून निघून गेले.  संतोष डोंगरदिवे यास उपचारार्थ जालना येथे हलविण्यात आले आहे. घटनेनंतर किनगावराजा पोलीस घटनास्थळी दाखल झाले होते. वृत्त लिहीपर्यंत गुन्ह्याची नोंद करण्यात आली नव्हती.

कोरोनाला नष्ट करण्यासाठी रोजेदार चिमुकल्यांची प्रार्थना सिंदखेडराजा:- कोरोनाचे संकट दूर होण्यासाठी दुसरबीड येथील अलफैज शकील कुरेशी (वय ८ वर्षे), मदीहा अशरफी समीर कुरेशी (१० वर्षे) व मुसेब शकील कुरेशी हे लहानगे इस्लाम धर्मातील पवित्र रमजान महिन्यातील रोजाचे उपवास ठेवत आहेत. यावेळी कोरोनाला हरविण्यासाठी आशीर्वाद मिळावेत या हेतूने घरातच नमाज अदा करीत आहेत.  पवित्र रमजानचा महिना म्हटलं की प्रार्थना, पवित्र कार्यांचा पहाटेपासून रात्री उशिरापर्यंतचा उत्सव साजरा होतांना दिसून येत असतो. एरव्ही मशिदीमध्ये मुस्लिम बांधवांची गर्दी व उत्साह बहरत आनंददायी वातावरण निर्माण होत असल्याचे अनुभवयास मिळत असते. परंतु यंदा रमजानच्या महिन्यात कोरोना पार्श्वभूमीवर लॉकडाऊन आल्याने मशिदीत निरव शांतता आढळून येत आहे. गेल्या दोन वर्षांपासून रमजान महिना व रोजे हे एप्रिल आणि मे महिन्याच्या कडक उन्हात येत असल्याने रोजेदारांची चांगलीच कसोटी पाहणारे ठरत आहे. रोजाच्या उपवासात रोजेदार व्यक्तींना तब्बल १४-१५ तास अन्नपाण्यावाचून रहावे लागत असते. ऋतू कोणताही असला तरी मुस्लिम समाजातील छोटछोट्या बालक बलिकांपासून तर वयोवृद...

"तालुका शिक्षक पतसंस्थेचा उपक्रम स्तुत्य - गटशिक्षणाधिकारी" सेवानिवृत्त केंद्र प्रमुखांना घरपोच दिला धनादेश सिंदखेडराजा:- तालुका जि. प. शिक्षक पतसंस्थेच्या वतीने सेवानिवृत्त झालेल्या केंद्र प्रमुखांना संस्थेतील त्यांचा शेअर घरपोच देण्याचा कार्यक्रम आज दि. ७ मे, गुरुवारी साखरखेर्डा येथे पार पडला. पूर्वी जि. प. शिक्षक म्हणून कार्यरत असलेले व १९९५ पासून शेंदूरजन तसेच काही काळ मलकापूर पांग्रा येथे केंद्र प्रमुख म्हणून कार्यरत असलेले गजानन भौरकर हे ३० एप्रिल रोजी सेवानिवृत्त झाले आहेत. तालुका शिक्षक सहकारी पतसंस्थेत सदस्य असल्याने त्यांचे ७७ हजार रु. शेअर डिपॉझीट जमा होते. आज दि. ७ मे, गुरुवारी दुपारी गटशिक्षणाधिकारी व्ही. व्ही. गवई यांचे सोबत पतसंस्थेचे अध्यक्ष नंदकिशोर शिंगणे, उपाध्यक्ष अशोक नागरे, सचिव छाया मनवर, संचालक व्ही. टी. जायभाये, टी. के. देशमुख, जगन शिंदे, व्यवस्थापक संतोष देशमुख आदिंनी गजानन भौरकर यांच्या घरी जाऊन त्यांचा व पत्नी रेखाताई यांचा सत्कार केला. तसेच पतसंस्थेत शेअर स्वरूपात जमा असलेल्या ७७ हजार रु. रकमेचा धनादेश भौरकर दाम्पत्याच्या स्वाधीन केला. याप्रसंगी ग...

विहिरीत पडलेली ती नीलगाय तब्बल २४ तासानंतर गर्भगळीत अवस्थेत काढली बाहेर .. सिंदखेडराजा:- तालुक्यातील सिंदी शिवारातील एका विहीरीत काल दि. १ मे रोजी पडलेली नीलगाय तब्बल २४ तासानंतर आज सकाळी विहिरीबाहेर काढण्यात आली आहे. जगण्यासाठीच्या संघर्षाने व उपाशीपोटी असल्याने गर्भगळीत झालेली ही नीलगाय कशीबशी शिवारात गायब झाली. सिंदी येथील बद्री साहेबराव दहातोंडे यांचे गावापासून उत्तरेच्या दिशेला शेत आहे. या शेतामध्ये पिकांच्या सिंचनासाठी त्यांची विहीर आहे. काल दि. १ मे, शुक्रवारी सकाळीच शेतातील विहिरीत नीलगाय पडल्याचे बद्री दहातोंडे यांच्या लक्षात आले. त्यानंतर त्यांनी ह्याबाबत पोलीस पाटील वैशाली मदन हाडे यांना कळविले. पोलीस पाटील यांनी वनविभागाच्या अधिकाऱ्यांना यासंदर्भात माहिती दिली. त्यावेळी विहिरीतील नीलगाय आक्रमक होऊ शकते म्हणून बाहेर काढण्याचा कुणीही प्रयत्न करु नये, आम्ही येत आहोत असे शेळके नामक कर्मचाऱ्यांकडून कळविण्यात आले. मात्र सायंकाळ होत असतांना विहिरीतून नीलगाय काढण्यासाठी दोरीचे फासे बनविणारा व्यक्ती अजून मिळाला नसल्याचे सांगण्यात येऊन उद्या दि. २ मे, शनिवारी सकाळी ...

विहिरीत पडली नीलगाय, वनविभागाचे नियोजन नसल्याने एक दिवस विहिरीतच राहणार सिंदखेडराजा:- तालुक्यातील सिंदी शिवारातील एका विहीरीत आज सकाळीच नीलगाय पडली असल्याचे आढळून आले आहे. मात्र संपूर्ण दिवस ओलांडून सायंकाळ होइपर्यंत नीलगायीच्या सुटकेसाठी कुठलेही प्रयत्न करण्यात आले नसल्याची परिस्थिती आहे. सिंदी येथील बद्री साहेबराव दहातोंडे यांचे गावापासून उत्तरेच्या दिशेला शेत आहे. या शेतामध्ये पिकांच्या सिंचनासाठी विहीर आहे. आज दि. १ मे, शुक्रवारी सकाळीच शेतातील विहिरीत नीलगाय पडल्याचे बद्री दहातोंडे यांच्या लक्षात आले. त्यानंतर त्यांनी ह्याबाबत पोलीस पाटील वैशाली मदन हाडे यांना कळविले. पोलीस पाटील यांनी वनविभागाच्या अधिकाऱ्यांना यासंदर्भात माहिती दिली. त्यावेळी विहिरीतील नीलगाय आक्रमक होऊ शकते म्हणून बाहेर काढण्याचा कुणीही प्रयत्न करु नये, आम्ही येत आहोत असे शेळके नामक कर्मचाऱ्यांकडून कळविण्यात आले. मात्र सायंकाळ होत असतांना विहिरीतून नीलगाय काढण्यासाठी दोरीचे फासे बनविणारा व्यक्ती अजून मिळाला नसल्याचे सांगण्यात येऊन उद्या दि. २ मे, शनिवारी सकाळी नीलगाय काढण्यात येईल असे सांगितले....