स्वतंत्र पत्रकार - "दीसना"

  काळीज कोंडीतून अनेक सामाजिक कोंडींची मुक्ती होवो .. प्रवीण, लेखन क्षेत्रात तुझा ठसा उमटणार ..      दीसना✍️ असं म्हणतात की, एक परिच्छेद लिहिण्यासाठी भरपूर अनुभव, अनेक पुस्तकं वाचलेली असावी लागतात. त्यातल्या त्यात लिहिणे हा प्रांत पूर्वी तथाकथित नोंद असलेल्या बुद्धिवाद्यांचा होता. मात्र आपल्या मातीतील अनेकांच्या वाचनाच्या तसेच अनुभवांच्या कक्षा विस्तीर्ण असल्या तरी लेखन प्रांताकडे त्यांचे दुर्लक्षच असल्याचे आढळून येते. विविध मुद्द्यांवर समाज प्रबोधन करण्यासाठी भोवताली अनेक विषय असतांनाही आम्ही त्याकडे ढुंकूनही बघितले नाही. सध्या समाजमाध्यमातून शेंडा बुडूख नसलेल्या कुठलाही संदर्भ नसलेल्या गोष्टी माथी मारल्या जात आहेत. सध्याची शिक्षित असलेली युवापिढी वेगळ्या दिशेला नेत, तथाकथित ज्ञान परंतु वास्तवात घोर अज्ञानाच्या  गर्तेकडे नेल्या जात असल्याचे दुर्दैवी चित्र ढळढळीत समोर उभे असल्याची परिस्थिती आहे. याचवेळी माझा भाऊ प्रवीण गीते समाज प्रबोधनाचे शिवधनुष्य उचलतो नव्हेतर लीलया पेलतोय, असा आशेचा किरण त्याच्या आतापर्यंतच्या लेखातून ठसठशीतपणे उमटून आलाय. प्रवीणचे वाचन व व्...

राऊत साहेब, कृपा करुन, लोड शेडिंग सुरु करा हो ..! साखरखेर्डा परिसरातील जनतेची मागणी .. सिंदखेडराजा:- तालुक्यातील साखरखेर्डा येथील गंभीर परिस्थिती आज जाणवली. जनतेच्या मनातील भावना जाणत वैतागून गेलेल्या काहींच्या लोड शेडिंग सुरु करण्याची भावना पुढे लिहीत आहे. ह्याचा वास्तवाशी किती संबंध आहे? हे त्रास भोगणाऱ्याला विचारले तर निश्चितच कळेल.  आज दि. १४ मे, शनिवारी सकाळीच पेपर वाचला (ज्याचे छायाचित्र वर दिले आहे) मन अगदीच पुलकित झाले. आधी हुश्श .. केलं, आणि नंतर राऊत साहेबांना मनोमन धन्यवाद दिले. त्याचवेळी लाईट गेली, म्हटलं येईल थोड्या वेळात .. पण, कशाचं काय तास, दोन तास, नव्हेतर तीन तास उलटले लाईट आलीच नाही. मग विचार केला की फॉल्ट असेल परंतु, मेहकर ते साखरखेर्डा ह्या मुख्य वहिनीच्या दुतर्फा असलेली अडगळ, झाडे, झुडुपे काढण्यासाठी म्हणा की देयके काढणाऱ्या ठेकेदार साहेबांच्या सोयीसाठी म्हणा वीज प्रवाह बंद केला असल्याचे सूत्रांनी सांगितले. त्याचवेळी बहुतेक चौकशी येणार असल्याचे वृत्त असल्याने ह्याचवर्षी हा उपक्रम राबविण्यात येत असल्याचेही अनौपचारिक बोलतांना गंमतीत सांगण्यात आले. आज सकाळी ८.३० ...

  सिंदखेडराजा तालुक्यात वीजेचा लपंडाव  साखरखेर्ड्यात कळस वीज ग्राहक वैतागले समस्या निवारणार कोण? दीसना✍️ सिंदखेडराजा:- तालुक्यात वीजेचा लपंडाव तसेच कमी दाबाने होणाऱ्या वीज पुरवठ्याने कळस गाठला असून, संबंधित यंत्रणा गेंड्याची कातडी ओढून चुप्पी साधून आहे. याबाबतीत कुणीही लोकप्रतिनिधी पुढे येत नसल्याने जनतेचा भ्रमनिरास होत आहे. तालुका व वितरण कंपनीचे उपविभागीय कार्यालय असलेल्या सिंदखेडराजा तालुक्यात चार केंद्रांच्या माध्यमातून १२० गावांचा कारभार हाकलल्या जातो. त्यासाठी उपविभागीय अभियंता, कनिष्ठ अभियंते व कंपनीचे तसेच खाजगी वायरमन असा भलामोठा लवाजमा कार्यरत आहे. यंत्रणेचा एवढा मोठा डोलारा असूनही, जनतेच्या सोयीसुविधेची काळजी केल्या जात नसून, मनमानी कारभारामुळे "बडा घर पोकळ वासा अन वारा जाई भसाभसा" ह्या उक्तीप्रमाणे सर्वकाही सुरु आहे. वीज पुरवठा करणाऱ्या सामुग्रीतील अनेक ठिकाणची सामुग्री ही जुनाटच असल्याचे दिसून येते. काही अपवाद वगळता वर्षोगणती सामुग्रीची देखभाल दुरुस्ती करण्यात आलेली नाही. यातुनच कागदोपत्री तर देखभाल दुरुस्ती केल्या जाऊन नुसती देयके तर काढली गेली नाहीत ना? असाही प...

 गुढीपाडवा असला तरी आज आत्मचिंतन दिवस आम्ही चाललो कुठे? इशारा .. दीसना. ✍️ पारंपरिक दृष्ट्या आज गुढीपाडवा म्हणजे सणाचा दिन.  पण आजि आनंदाचा दिनू, वर्षे अमृताचा धनू असं कधीच वाटलं नाही. कारण सण म्हणजे गोडधोड खाद्य पदार्थ, ही आमची परंपरा असली तरीही आज तिखट का खातात? ह्या प्रश्नाचे उत्तर आम्ही बालपणापासून शोधत होतो. त्याचं म्हणावं तसं समाधानकारक उत्तर कधीच मिळालं नाही. त्यानंतर शिक्षण घेऊन मोठे होत असतांनाच अशाच सणाच्या एके दिवशी हिंदवी स्वराज्याचे (हिंदू नव्हे) जनक छत्रपती शिवाजी महाराज यांचे सुपुत्र व धाकले धनी संभाजी राजे यांचा मृत्यू अन गुढीपाडवा ह्याचा संदर्भ सोशल मीडियावरुन कळला. मात्र त्यावेळी पारंपरिक मानसिकतेतून हे खोटे असू शकते, असे वाटले. त्याच दरम्यान माझे लहान बंधू व वैचारिक साम्य असलेल्या काहींच्या माध्यमातून एका कार्यक्रमाला उपस्थित राहता आले. तेथे आपल्यात आणि तथाकथित समाज धुरंधरांच्या शैक्षणिक बाबीत हजारो वर्षांचा बॅकलॉग असल्याचे स्पष्ट झाले. तर त्याचवेळी अनेक बाबींचा खुलासा वक्त्यांनी केला. माझ्या पदवी नंतर मी एमपीएससीची तयारी केली होती. त्यात मुख्य परीक्षेला माझ...

  हाडे, पंचाळ व अग्रवाल ग्रामसेवा सहकारी संस्थांच्या अध्यक्षपदी बिनविरोध राताळी, गोरेगाव व साखरखेर्डा येथील  निवडणूक सिंदखेडराजा:- तालुक्यातील राताळी, गोरेगाव व साखरखेर्डा  ग्रामसेवा सहकारी संस्थांच्या अध्यक्ष व उपाध्यक्ष पदाची निवडणूक बिनविरोध झाली आहे. आज दि. २० मार्च, रविवारी रोजी बिनविरोध झालेल्या ह्या निवडणुकीत राताळी ग्रामसेवा सरकारी संस्थेच्या अध्यक्षपदी मदन सखाराम हाडे  व उपाध्यक्षपदी लक्ष्मण शामराव सोभागे यांची बिनविरोध निवड झाली. याचवेळी गोरेगाव ग्रामसेवा सहकारी संस्थेच्या अध्यक्षपदी भगवान सखाराम पंचाळ तर उपाध्यक्षपदी परमेश्वर शामराव खिल्लारे यांची निवड झाली. तसेच साखरखेर्डा ग्रामसेवा सहकारी संस्थेच्या अध्यक्षपदी ललीतकुमार जुगलकिशोर  अग्रवाल तर उपाध्यक्षपदी बेबीबाई जीवनसिंग राजपूत यांची बिनविरोध निवड करण्यात आली. निवडणूक निर्णय अधिकारी म्हणून सुनील देवरे, उदय सुरडकर यांच्यासह रवींद्र शेजुळ विकास अधिकारी साखरखेर्डा, गटसचिव संजय पंचाळ व झोपे अण्णा यांनी काम पाहिले . सर्व प्रक्रिया बिनविरोध होताच नवनियुक्त अध्यक्ष, उपाध्यक्ष व संचालकांचा सत्कार करण्यात आल...

  अवैध संबंधात अडसर ठरणाऱ्या पतीचा प्रियकराच्या मदतीने खून सिंदखेडराजा:- अनैतिक संबंधात अडसर ठरणाऱ्या पतीचा प्रियकराच्या साहाय्याने पत्नीने खून केल्याचा प्रकार काल दि. १५ मार्च, मंगळवारी दुपारी तालुक्यातील गोरेगाव येथे उघडकीस आला.  साखरखेर्डा पोलिसांनी ह्या प्रकरणी दोघा आरोपींना अटक केली असून पुढील तपास सुरु आहे. माणुसकीला काळिमा फासणाऱ्या ह्या घटनेचे वृत्त येताच परिसरात सर्वत्र खळबळ उडाली आहे. ह्या प्रकरणी गोरेगाव येथील मृतकाची आई तुळसाबाई रुपलाल कव्हळे वय ६५ वर्षे यांनी दिलेल्या फिर्यादीत म्हटले आहे की, त्यांचा मोठा मुलगा दत्तात्रय रुपलाल कव्हळे वय ४० वर्षे हा कुटुंबापासून वेगळा राहत होता. त्याला पत्नी मीरा, दोन मुले व एक मुलगी आहे. सुमारे पंचवीस दिवसांपूर्वी दत्तात्रय कव्हळे ह्याने पत्नी व तिच्या प्रियकराच्या प्रेमसंबंधाची रेकॉर्डिंग पकडली होती. त्यानंतर त्याने पत्नीला तिच्या माहेरी नेऊन सोडले होते. मात्र दुसऱ्याच दिवशी मीरा हिला तिचा भाऊ अनिल खनसरे ह्याने गोरेगाव येथे आणून सोडले होते. त्यावेळी दत्तात्रय ह्याला कुटुंबीयांनी समजावून सांगितले होते. तसेच दत्तात्रय व मीरा ह्या ...

  २ जानेवारी, महाराष्ट्र पोलीस दल स्थापना दिन महाराष्ट्र पोलीस दलाची स्थापना २ जानेवारी १९६१ साली करण्यात आली. तत्कालीन पंतप्रधान पंडीत जवाहरलाल नेहरू यांनी महाराष्ट्र पोलीस दलाला ध्वज प्रदान केला. त्या दिवसापासून दरवर्षी २ जानेवारी हा पोलीस स्थापना दिन म्हणून साजरा करण्यात येतो. महाराष्ट्र हे आकारमानाच्या दृष्टीने देशातील तिसरे सर्वात मोठे राज्य आहे. महाराष्ट्रात तब्बल ३६ जिल्हे आहेत. या सर्व जिल्ह्यांची कायदा व सुव्यवस्था हाताळत आहेत. 'महाराष्ट्र पोलीस' आज २ जानेवारी रोजी महाराष्ट्र पोलीस दलाचा ६१ वा वर्धापन दिन आहे. महाराष्ट्र पोलीस दलाचा इतिहास पाहिला तर पहिली नोंद आढळते ती १६६१ साली झाल्याचे आढळते. त्यावेळी पोर्तुगीजांनी पोलिस चौकीची स्थापना करून त्या भागात कायदेशीर अंमलबजावणीची मूलभूत संरचना तयार केली. त्यानंतर १६७२ साली सात बेटांचे रक्षण करण्यासाठी भंडारी ब्रिगेड नावाची फौज नेमली गेली. हीच फौज अधिक शिस्तबद्ध होत महाराष्ट्र पोलीस दलाचा उगम झाला. भारताच्या १९३६ मध्ये, सिंध प्रांत पोलिस हे बॉम्बे प्रांत पोलिसांमधून विभागले गेले. पुढे १९४७ मध्ये, स्वातंत्र्यानंतर त्याचे नाव...

  आज २३ डिसेंबर,  राष्ट्रीय शेतकरी दिवस .. यासंदर्भात जाणून घेऊ या .. शेतकरी आंदोलनात यावर्षी  राष्ट्रीय शेतकरी दिवस  म्हणजेच राष्ट्रीय किसान दिवस साजरा केला जात आहे. केंद्र सरकारने आणलेल्या तीन कृषी कायद्यांमुळे शेतकऱ्यांना मोठा फायदा होईल असा दावा केंद्र सरकार करत आहे. पण काही शेतकरी या कायद्यांच्या विरोधात असून कायदे रद्द करण्याची मागणी करत आहेत. शेतकरी संघटना आणि सरकारमध्ये अनेक बैठका या मुद्दयावर झाल्या पण अजून निर्णय निघालेला नाही. दरम्यान देशात शेतकरी आंदोलनाचा जोर असताना आज राष्ट्रीय किसान दिवस साजरा केला जात आहे. प्रत्येक वर्षी २३ डिसेंबर रोजी हा दिवस साजरा केला जातो. याच दिवशी हा दिन का साजरा केला जातो याचा एक मोठा इतिहास आहे. आज आपण हाच इतिहास जाणून घेणार आहोत... राष्ट्रीय किसान दिवस हा दिवस देशाचे माजी पंतप्रधान चौधरी चरण सिंह यांच्या जंयतीनिमित्त साजरा केला जातो.हा दिवस खूप महत्त्वपुर्ण आहे, कृषी क्षेत्रातील नवीन गोष्टी आणि शेतकऱ्यांना सशक्त बनवण्याचे ध्येय्य हा दिवसामुळे मिळते. किसान दिवस शेतकऱ्यांच्या समोर येणाऱ्या विविध मुद्दयांविषयी सुचित करण्याचे का...

  राष्ट्रीय गणित दिवस कधी साजरा केला जातो ? राष्ट्रीय गणित दिवस 2021 महान गणितज्ञ श्रीनिवास रामानुजन यांची जयंती आणि गणिताच्या क्षेत्रातील त्यांच्या योगदानाचे स्मरण करण्यासाठी दरवर्षी 22 डिसेंबर रोजी राष्ट्रीय गणित दिवस साजरा केला जातो.  चला राष्ट्रीय गणित दिनाचा इतिहास, राष्ट्रीय गणित दिनाचे महत्त्व आणि भारतात राष्ट्रीय गणित दिवस कसा साजरा केला जातो यावर एक नजर टाकूया... प्राचीन काळापासून, आर्यभट्ट, ब्रह्मगुप्त, महावीर, भास्कर दुसरा, श्रीनिवास रामानुजन इत्यादींसारख्या गणितात विविध विद्वानांनी महत्त्वपूर्ण योगदान दिले आहे हे आपल्याला माहीत आहे.  अगदी लहान वयात, श्रीनिवास रामानुजन यांनी एक विशिष्ट प्रतिभा दाखवली.  अनंत मालिका, संख्या सिद्धांत, गणितीय विश्लेषण इत्यादी अनेक उदाहरणे त्यांनी मांडली आहेत. राष्ट्रीय गणित दिनाचा इतिहास 22 डिसेंबर 2012 रोजी, भारताचे माजी पंतप्रधान डॉ. मनमोहन सिंग यांनी महान गणितज्ञ श्रीनिवास अय्यंगार रामानुजन यांच्या 125 व्या जयंतीनिमित्त चेन्नई येथे आयोजित एका कार्यक्रमात घोषणा केली की, दरवर्षी 22 डिसेंबर हा राष्ट्रीय गणित दिवस म्हणून साजरा ...

 राज्यातील पहिली ते सातवी पर्यंतच्या सर्व शाळा सुरु होणार - वर्षा गायकवाड सिंदखेडराजा:- राज्यातील  इयत्ता पहिली ते सातवी पर्यंतच्या सर्वच शाळा सुरु होणार असल्याचे प्रतिपादन राज्याच्या शिक्षण मंत्री वर्षाताई गायकवाड यांनी केले आहे. आज राज्याच्या मंत्रीमंडळ बैठकीनंतर आयोजित पत्रकार परिषदेत त्या बोलत होत्या. यावेळी राज्याच्या ग्रामीण भागातील इयत्ता पहिली ते पाचवी व शहरी भागातील इयत्ता पहिली ते सातवी पर्यंतच्या शाळा आतापर्यंत बंदच होत्या. मात्र येत्या १ डिसेंबर पासून ह्या सर्वच शाळा सुरु होतील, असे वर्षाताई गायकवाड यांनी सांगितले. याचवेळी ह्या सर्व शाळा सुरु करण्यासाठी पूर्वतयारीची प्रक्रिया सुरु झाली असल्याचेही त्यांनी सांगितले आहे. राज्य सरकारच्या ह्या निर्णयामुळे पालकवर्गात आनंदाचे वातावरण निर्माण झाले आहे, एवढे मात्र निश्चित ..!

चिखली येथील हत्येचा लागला छडा ..! चिखली ठाणेदार लांडे व सहकाऱ्यांची कामगिरी सिंदखेडराजा:- चिखली येथील हमरस्त्यावरील दुकानात घुसून दुकान मालकाचा निर्घृणपणे खून करणाऱ्या आरोपींना पोलिसांनी जेरबंद केले आहे. जनतेत क्षोभ निर्माण होत असतांनाच परिस्थितीवर नियंत्रण ठेऊन आरोपींना शोधण्याची ठाणेदार लांडे यांची तारेवरची कसरत फलदायी ठरली आहे. त्यामुळे जनतेच्या कौतुकास पात्र ठरले आहेत. तालुक्यातील साखरखेर्डा येथे ठाणेदार म्हणून कायद्याचा आदर निर्माण करीत कर्तव्यरुपी दबदबा निर्माण करणारे अशोक लांडे हे कोणत्याही गुन्ह्याचा तपास लावण्यात यशस्वी ठरले होते. जिल्ह्याबाहेर झालेल्या त्यांच्या बदलीनंतर अनेक सुजाण जण व्यथित झाले होते. मात्र चिखली येथे त्यांची बदली झाल्यावर कायद्याचा प्रभाव व दबदबा कायम ठेवण्यासाठी अशोक लांडे यांचे प्रयत्न सुरू झाले होते. दि. १६ नोव्हेंबर, मंगळवारी रात्री अचानकपणे  चिखली शहरातील जयस्तंभ चौकात मुख्य रस्त्यावर असलेल्या आनंद इलेक्ट्रॉनिक दुकानात रात्री सव्वा दहा वाजताच्या सुमारास सशस्त्र दरोडा टाकला. दोन दरोडेखोरांनी केलेल्या हल्यात दुकानाचे मालक कमलेश पोपट यांची हत्या झाली....

  महाराष्ट्र जीवन प्राधिकरणाचे कार्यालय पुन्हा मातृतीर्थात ..            दीसना ✍️ सिंदखेडराजा:- मतदारसंघातील पाणी समस्या निर्मूलनासाठी देऊळगावराजा येथे महाराष्ट्र जीवन प्राधिकरण ह्या कार्यालयाची स्थापना २५ वर्षांपूर्वी झाली होती. त्यानंतर ते कार्यालय तेथून स्थलांतरित करण्यात आले होते. मात्र राष्ट्रवादी काँग्रेसच्या प्रयत्नातून म. जी. प्रा. चे तेच कार्यालय  देऊळगावराजा येथे स्थलांतरित करण्यात पुन्हा यश आले आहे. त्यामुळे देऊळगावराजा, सिंदखेडराजा, लोणार, मेहकर व चिखली आदि तालुक्यातील पाणी प्रश्न सोडविण्यासाठी बळ प्राप्त झाले आहे. सिंदखेडराजा व देऊळगावराजा ह्या दोन शहरात २५ वर्षांपूर्वी प्रचंड प्रमाणात पाणी टंचाई होती. नव्हेतर १९९५ मध्ये झालेल्या विधानसभा निवडणुकीत दोन्ही शहरातील तोच मुद्दा खूप गाजला होता. त्यावेळी छत्री ह्या निशाणीवर अपक्ष निवडणूक लढविणारे उमेदवार डॉ. राजेंद्र शिंगणे व त्यांच्या समर्थकांनी ह्याच मुद्द्यावर लक्ष केंद्रित करुन निवडणूक लढवली. त्या निवडणुकीत डॉ. शिंगणे हे प्रचंड मताधिक्याने निवडून आले होते. त्यावेळी भाजप व सेना युतीतील श...

  दिवंगत जिल्हा परिषद शिक्षकांच्या कुटुंबियांना शिक्षण क्षेत्रातील व्यक्तींनी केली आर्थिक मदत  सिंदखेडराजा:- जिल्हापरिषदेच्या शिक्षकांच्या अचानक मृत्यूनंतर तालुक्यातील शिक्षकांनी वर्गणी जमा केली. काल दि. ३० जुलै, शुक्रवारी दोन्ही कुटुंबियांच्या घरी पोहचून, धनादेशाद्वारे ही आर्थिक मदत कुटुंबियांना प्रदान केली आहे. तालुक्यातील जागदरी येथील रहिवासी व झोटिंगा येथील जि. प. शाळेवर मुख्याध्यापक म्हणून कार्यरत असलेले विष्णू त्र्यंबक जायभाये उर्फ व्ही. टी. सर व बारलिंगा येथील रहिवासी व उमरद येथील जि. प. शाळेवर शिक्षक म्हणून कार्यरत असलेले शिवहरी किसन डोईफोडे या दोहोंचे नुकतेच निधन झाले आहे. ह्या दोन्ही शिक्षकांच्या कुटुंबियांसाठी तालुक्यातील जि. प. शिक्षक, मुख्याध्यापक, केंद्र प्रमुख, गटशिक्षणाधिकारी व कार्यालयातील कर्मचारी आदिंनी आर्थिक स्वरुपात वर्गणी जमा केली. त्यानंतर शैक्षणिक क्षेत्रातील अधिकारी, सर्व शिक्षक संघटना प्रतिनिधी व काही शिक्षकांनी जागदरी व बारलिंगा येथे पोहचत कुटुंबाला एक लाखाच्यावरील मदतीची रक्कम मान्यवरांच्या हस्ते धनादेशाद्वारे प्रदान केली. गटशिक्षणाधिकारी तुकाराम आ...

  सेवानिवृत्तीबद्दल विद्यालयातील नाईक यांचा सपत्नीक सत्कार करीत भावपूर्ण निरोप सिंदखेडराजा:- साखरखेर्डा येथील जिजामाता विद्यालयातील नाईक यांचा सपत्नीक सत्कार करीत सेवानिवृत्त झाल्यामुळे भावपूर्ण निरोप देण्यात आला. आज दि. ३१ जुलै, शनिवारी आयोजित कार्यक्रमाच्या अध्यक्षस्थानी मुख्याध्यापक रमेश ठोसरे तर सत्कारमूर्ती नाईक बबनराव सखाराम खिल्लारे व त्यांच्या सुविद्य पत्नी सुनीता खिल्लारे यांच्यासह वसंत पाटील, बाबुराव साबळे प्रमुख उपस्थितीत होते. निरोप समारंभात प्रारंभी शाल, श्रीफळ, कपडे, साडीचोळी, चांदीची मूर्ती व भेटवस्तू देऊन बबनराव खिल्लारे व सुनीता खिल्लारे दाम्पत्याचा सत्कार करण्यात आला. सत्काराला उत्तर देतांना बबन खिल्लारे यांनी शाळेच्या स्थापनेपासून आतापर्यंतच्या सर्व मुख्याध्यापक, शिक्षक, सहकारी कर्मचारी तसेच विद्यार्थ्यांनी सहकार्याचीच भूमिका ठेवली. त्यात विद्यार्थ्यांच्या सर्वांगीण विकासासाठी शाळेने केलेल्या कार्यात खारीचा वाटा उचलता आला याबाबत समाधान व्यक्त केले. याप्रसंगी रमेश ठोसरे, वसंत पाटील आदिंनी मनोगतातून बबनराव खिल्लारे यांनी कर्तव्याच्या वेळेच्या पलीकडे जाऊन दिलेल्या स...

  मिस यु व्ही. टी. ... मानवतेचा पुजारी हरवलाय ...            दीसना✍️ एक सामाजिक प्रसंग होता. माझ्यासमोर व्हीटी होते. माझ्याकडून नवी नवी ओळख होती. बोलतांना दीपक दादा, दीपक दादा असा उच्चार सुरु होता. मी म्हटले की, तुम्ही मला दादा म्हणत जाऊ नका. तुम्ही इव्हाया जवायाचे माझ्यापेक्षा सिनिअर आहात. व्हीटींनी ताबडतोब प्रतिप्रश्न केला, तुमची रिटायरमेंट कधी? मी म्हणालो २०२४ तर, प्रत्त्युत्तरात ते म्हणाले माझी २०२६. मला काहीच बोलता येईना. त्यानंतर ह्या ना त्या कारणाने संबंध वाढत गेले. मी त्यांना माझे मामेकुळ म्हणायचो. कारण जागदरी व सावखेड तेजन येथे आमचे मामेकुळ व मामा म्हणजे जायभाये. त्यानंतर वेळोवेळी संपर्क येत गेल्याने संबंध दृढ होत गेले. काही महिन्यांपूर्वी आम्हा दोघांमध्ये लसावी, मसावीच्या स्वरुपात डॉ. शिंगणे आले. त्यामुळे शैक्षणिक, सामाजिक मैत्रीच्या नात्याची वीण आणखी घट्ट झाली. देऊळगावराजा पासून मैत्रीचे गणगोतच मोठ्ठे असल्याने मला नातेवाईक व नाती एवढी माहीत नाहीत. त्यामध्ये व्हीटींनी मला नात्यांची माहिती देऊन भर घातली. कुणाचेही काहीही काम असो, त्याने व्हीटीं...

  कोरोना योद्ध्यांचा सत्कार व कौतुक करावे तेवढे थोडेच तिसऱ्या लाटेच्या पार्श्वभूमीवर जिल्ह्यात जय्यत तयारी करणार  नागरिकांनी काळजी घेण्याची गरज विकासकामांसाठी निधीची तरतूद करणार  पालकमंत्री डॉ. राजेंद्र शिंगणे सिंदखेडराजा:- वर्षभरापूर्वी सुरु झालेल्या कोरोना संसर्गाची भीती आजही कायम आहे. पहिली लाट जाऊन दुसरी आली. ती नियंत्रणात येत असतांनाच तिसरी लाट येणार आहे. त्यामुळे प्रत्येकाने शासनाचे नियम व वैयक्तिक जीवनात त्रिसूत्री पाळावी, असे आवाहन करीत आशासेविका, आरोग्यसेवक, आरोग्यसेविका, ग्रामसेवक, तलाठी, शिक्षक आदिंनी संसर्गाच्या कठीण काळात केलेल्या कार्याबद्दल करावे तेवढे कौतुक व सन्मान कमीच असल्याचे तसेच विकासकामांसाठी निधी उपलब्ध करुन देण्यासाठी कटिबद्ध असल्याचे प्रतिपादन राज्याचे अन्न व औषध प्रशासन मंत्री डॉ. राजेंद्र शिंगणे यांनी केले.   आज दि. २७ जून, रविवारी तालुक्यातील साखरखेर्डा येथे मानतकर परिवारातर्फे चिसौकां वैष्णवी राधिका गोपाल मानतकर व चि. अमोल पुष्पा विष्णू बोरे यांच्या विवाहपूर्व आयोजित "सत्कार कोरोना योद्ध्यांचा" ह्या "स्तुत्य" कार्यक्रमात डॉ. शिंगणे बोलत...

  पालकमंत्री डॉ. शिंगणे यांच्या पाठपुराव्याला यश राहेरी पुलाच्या पुनर्वसनासाठी नितीन गडकरी यांनी केला ९ कोटी ८५ लाख रु. निधी मंजूर सिंदखेडराजा (विशेष प्रतिनिधी) नागपूर ते मुंबई महामार्गावरील तालुक्यातील राहेरी नजीकच्या पुलाच्या पुनर्वसनासाठी स्थानिक आमदार तथा पालकमंत्री यांनी केलेल्या पाठपुराव्याला यश आले आहे. केंद्रीय सडक परिवहन व राज्यमार्ग मंत्री नितीन गडकरी यांनी पुलाच्या पुनर्वसनासाठी ९ कोटी ८५ लाख रु. निधी मंजूर केला आहे. यासंदर्भात नितीन गडकरी यांनी डॉ. शिंगणे यांना लिहिलेल्या पत्रात म्हटले आहे की, राहेरी पूल नादुरुस्त असल्याने त्याचे पुनर्वसन होणे गरजेचे असल्याचे तसेच जड वाहतूक बंद करण्यात आल्याचे आपल्याकडून कळले आहे. त्यासाठी निधी उपलब्ध करुन देण्यासाठी आपण पाठपुरावा केला आहे. त्यामुळे आपणाला कळविण्यात आनंद होतो की, आपल्या मतदारसंघातील ह्या पुलाच्या पुनर्वसनासाठी तसेच  वळण मार्ग तयार करण्यासाठी ९ कोटी ८५ लाख रु. मंजूर करण्यात येत आहेत. याचवेळी बुलडाणा जिल्ह्यात सुरु असलेल्या राष्ट्रीय महामार्गाच्या कामांसाठी भूमी अधिग्रहण तसेच इतर बाबींसाठी जिल्ह्यातील प्रमुख अधिकाऱ्य...

  आज ३ मे, जागतिक पत्रकारिता स्वातंत्र्य दिन जगभरात दरवर्षी ३ मे ह्या दिवशी जागतिक पत्रकारिता स्वातंत्र्य दिन (World Press Freedom Day) साजरा केला जातो. दरवर्षी या दिवसाची संकल्पना वेगवेगळी असते. संयुक्त राष्ट्र संघाने ३ मे हा दिवस World Press Freedom Day म्हणून साजरा केला जावा असे जाहीर केले. तेव्हापासून गेली अनेक वर्षे हा दिवस साजरा केला जातो. पत्रकारिता, पत्रकारितेचे महत्त्व आणि त्याबाबतची जनमानसात जागृकता निर्माण करणे हे या दिवसाचे महत्त्व आहे. तसेच, पत्रकारिता आणि प्रसारमाध्यमांचे स्वातंत्र्य अबाधित ठेवणे आणि त्याचे संरक्षण करणे याबाबत जगभरातील देशांतील प्रत्येक सरकारला आठवण करुन देणे हा प्रमुख उद्देश हा दिवस साजार करण्यामागे आहे. प्रसारमाध्यमांचे स्वतंत्र्य अबाधित ठेवण्यासाठी सरकारने पत्रकारांना संरक्षण देणे महत्त्वाचे आहे. सरकारला त्याबाबतची जाणीव करुन देणे हे हा दिवस साजरा करण्याचे प्रमुख उद्दीष्ट आहे. डिक्लेरेशन ऑफ विंडहोक संपूर्ण जगामध्ये १९९१ मध्ये पहिल्यांदा अफ्रीका देशातील पत्रकारांनी प्रसारमाध्यमांच्या स्वातंत्र्याबाबत पहिल्यांदा जाहीर भूमिका घेतली. त्यांनी ३ मे हा दि...

  संडे हो या मंडे तपासून खावे अंडे .. कोरोना संसर्गाच्या पार्श्वभूमीवर नकली प्लास्टिक अंडे विक्रीचा फंडा जोमात सिंदखेडराजा:- तालुक्यातील खेड्यापाड्यात नकली प्लास्टिक अंडी विक्रीचे रॅकेट सुरु असल्याची खात्रीशीर प्राप्त झाली आहे. एका गावात हा प्रकार उघडकीस आला आहे. त्यामुळे खळबळ माजली असून प्रशासनाने ह्याकडे तातडीने लक्ष देत यावर उपाय योजना करण्याची गरज निर्माण झाली आहे. संडे हो या मंडे रोज खाओ अंडे ह्या उक्तीनुसार  तालुकाभरात एरव्ही हिवाळ्यात अंडी खाण्यावर जोर असतो. मात्र गेल्यावर्षी पासून कोरोना संसर्ग प्रसार सुरु झाल्यानंतर मांसाहार व अंडी खाण्याचे प्रमाण दिवसेंदिवस वाढतच चालले आहे. त्यातही खर्चाच्या व उपलब्धतेच्या दृष्टिकोनातून अंडी सोयीची असल्याने, सर्वसामान्यांचा जोर अंड्यावर जास्त आहे. परंतु, गावातच कोंबडी पालन करणाऱ्यांकडे नैसर्गिकरित्या उपलब्ध होणाऱ्या अंड्यांचे प्रमाण कमी असल्यामुळे, ग्राहकांना दुकानात उपलब्ध असलेली अंडी खरेदी करावी लागतात. बाहेरच्या व्यापाऱ्यांकडून खरेदी करुन गावागावातील किराणा दुकानदार विक्रीसाठी अंडी ठेवत असतात. कोरोना संसर्गाच्या पार्श्वभूमीवर अंडी...

  साखरखेर्डा परिसर ठरत आहे कोरोना हॉटस्पॉट १२८ व्यक्ती आढळल्या कोरोना पॉझिटिव्ह सिंदखेडराजा:- तालुक्यातील साखरखेर्डा व परिसरात असलेल्या गावांमधील व्यक्तींच्या गेल्या पाच दिवसांत केलेल्या कोरोना चाचण्यांपैकी १२८ व्यक्ती पॉझिटिव्ह असल्याचे गंभीर चित्र समोर आले आहे. त्यामुळे साखरखेर्डा परिसर हॉटस्पॉट ठरत आहे. तर याचवेळी संचारबंदी असतांनाही ग्रामीण भागातील कोरोना विषाणूचा शिरकाव तसेच संचारबंदी संदर्भात नुसता मीडियावर कोरडा गवगवा करणाऱ्या अधिकाऱ्यांचा प्रत्यक्ष कार्यातील फोलपणा ठळकपणे अधोरेखित झाला आहे. साखरखेर्डा प्राथमिक आरोग्य केंद्र अंतर्गत इच्छुकांच्या कोरोना चाचण्या नित्याने घेण्यात येत असतात. गेल्या पाच दिवसांत साखरखेर्डा व परिसरातील गावांतील जनतेच्या कोरोना  करण्यात आलेल्या चाचण्यांपैकी ११२ व्यक्तींच्या आरटीपीसीआर तर १६ रॅपिड अशा एकूण १२८ व्यक्ती पॉझिटिव्ह आल्या आहेत. त्यामध्ये साखरखेर्डा येथील ६० च्या वर तर सायाळा येथील २४ व्यक्ती व उर्वरित पॉझिटिव्ह व्यक्तींमध्ये शेंदूरजन, दरेगाव, गुंज, सिंदी, सवडद, बाळसमुद्र, तांदुळवाडी येथील व्यक्तींचा समावेश असल्याची माहिती वैद्यकीय अध...

  आज दिसणार .. सुपर पिंक मून      म्हणजेच उत्कृष्ट गुलाबी चंद्र ..!      दी.स.ना.✍️ एप्रिल महिन्यात जी पौर्णिमा येते त्या रात्रीच्या चंद्राला सुपर पिंक मून म्हणण्याची अमेरिकेतील परंपरा आहे. याला स्प्राऊटिंग ग्रास मून, एग मून, पासकल मून आणि फिश मून आदि नावांनीही संबोधतात, म्हणूनच ह्या पौर्णिमेला चंद्र प्रत्यक्षात पिंक म्हणजे गुलाबी, किंवा मासोळी इ. सारखा अंड्यासारखा दिसेल असे काही नसते. पृथ्वीचा नैसर्गिक उपग्रह असलेला चंद्र हा पृथ्वी भोवती नित्य परिभ्रमण करतो. त्याची परिभ्रमण कक्षा ही लंबवर्तुळाकार आहे. या लंबवर्तुळाकार कक्षेमुळे चंद्र व पृथ्वी यामधील अंतर स्थळनिहाय कमी - जास्त होत असते. एप्रिल महिन्याच्या पौर्णिमेला चंद्र व पृथ्वी यांच्यातील अंतर खूप कमी म्हणजेच ३ लाख ८४ हजार ४०३ किलोमीटर ऐवजी ३ लाख ५६ हजार ९०७ किलोमीटर २७ हजार ४९६ किलोमीटरने कमी होते. यामुळे चंद्र पृथ्वीच्या जवळ आल्याने तुलनेने अधिक मोठा व स्पष्टपणे दिसत असल्याने त्याचे सौंदर्य खुलल्याचे आढळून येते. ही पूर्णपणे खगोलीय घटना असल्याने शुभ - अशुभ, शकुन - अपशकुन इत्यादि मानू नये. 🙏

दहावी बारावीची परीक्षा ऑफलाईन पद्धतीनेच होणार .. शालेय शिक्षणमंत्री वर्षा गायकवाड यांच्या परिक्षेसंदर्भात नवीन सूचना ... ★ यंदा परीक्षांसाठी विद्यार्थ्यांची शाळाच असणार परीक्षा केंद्र दहावी-बारावीच्या विद्यार्थ्यांसाठी एक महत्वाची बातमी आहे. शालेय शिक्षणमंत्री वर्षा गायकवाड यांनी परीक्षा ऑफलाईन (लेखी परीक्षा) पद्धतीनुसार होणार असल्याची माहिती दिली आहे. दहावी आणि बारावीची लेखी परीक्षा ही ठरलेल्या तारखेनुसारच होणार आहे. कोरोनाच्या पार्श्वभूमीवर परीक्षेच्या वेळेतही महत्वाचे बदल करण्यात आले आहेत. राज्यातील वाढत्या कोरोना संसर्गामुळे यंदा दहावी, बारावीच्या परीक्षा कोणत्या पध्दतीने घ्यावा असा प्रश्न होता. याविषयी पालकांच्या आणि विद्यार्थ्यांच्या मनात शंका उपस्थित होत होत्या. दरम्यान आज शालेय शिक्षणमंत्री वर्षा गायकवाडांनी पालक व विद्यार्थ्यांना अनेक महत्त्वाच्या सूचना दिल्या आहेत. दहावी व बारावीची परीक्षा ऑफलाईन पद्धतीनेच होणार आहे असे वर्षा गायकवाड यांनी जाहीर केले. इयत्ता दहावीची लेखी परीक्षा 29 एप्रिल ते 20 मे 2021 या कालावधीमध्ये होणार आहे. इयत्ता बारावीची परीक्षा 23 एप्रिल व 21 मे 2021 ...

महसूल उपविभागीय कार्यालयातील अव्वल कारकून लाच घेताना लाचलुचपतच्या जाळ्यात एक लाख रुपयांची केली होती मागणी सिंदखेडराजा:- येथील महसूल विभागाच्या उपविभागीय अधिकारी कार्यालयातील अव्वल कारकुनाला पन्नास हजार रुपयाची लाच घेताना, कार्यालय आवारातच रंगेहात पकडण्यात आले आहे. यामुळे महसूल विभाग व संबंधित यंत्रणेत खळबळ उडाली आहे.  तक्रारकर्ता हा बुलडाणा येथील ३६ वर्षे पुरुष असून  प्रचार व प्रसिद्धीसाठीचा कंत्राटदार आहे. त्यांची लाखो रुपयांची देयके/बिल अनेक दिवसांपासून प्रलंबित होती. ह्या देयकांच्या संदर्भात वरिष्ठांना प्रस्ताव सादर करुन संबधित बिल काढून देण्यासाठी अव्वल कारकून दीपक गोरे याने लाचेपायी एक लाख रुपयांची मागणी तक्रारदार व्यक्तीकडे केली होती. त्यामुळे त्या व्यक्तीने लाचलुचपत प्रतिबंधक विभागाच्या बुलडाणा, कार्यालयाकडे तक्रार दिली होती. त्यानुसार लाचखोर अव्वल कारकुनास रंगेहात पकडण्यासाठी सापळा रचण्यात आला होता. लाच प्रत्येकी ५० हजार रुपये अशी दोन टप्प्यात मागण्यात आली होती. त्यानुसार आज दि. ३ मार्च, बुधवारी पहिला हप्ता देण्याचे ठरले होते. याप्रकरणी तक्रार प्राप्त झाल्याने लाचलुचपत...

  💥 सावधान .. आता आपल्याला सुरु होतील भ्रमणध्वनी कॉल्स .. मित्रांनो, जेंव्हा सुख, दुःख व त्यातून निर्माण होणाऱ्या काही तातडीच्या  गरजांचा प्रसंग येतो. त्यावेळी कोठून का होईना आपली गरज भागली पाहिजे असे प्रत्येकाला वाटते. ह्याच गरजेतून निर्माण झालेल्या अगतिकतेच्या प्रसंगाचा गैरफायदा घेण्यासाठी अनेक जण टपून बसलेले असतात. असाच प्रसंग पुढे येतोय तो म्हणजे कोरोना विषाणूची लस. त्याची गरज प्रत्येकाला आहे. त्यातल्या त्यात ही लस सर्वात अगोदर आपल्यालाच मिळावी, असा प्रत्येकाचा अट्टाहास असणार आहे. याचाच फायदा घेण्यासाठी इंटरनेटवर अनेक भामटे टपून बसलेले असू शकतात. कोरोना लसीकरणासाठी नाव नोंदणी करा. अशा प्रकारचा कॉल आपल्याला येऊ शकतो. त्यात आपला आधारकार्ड नंबर मागितल्या जाईल. त्यानंतर आपल्या मोबाईलवर एक ओटीपी येईल, असे सांगितल्या जाईल. त्या नंतर ते भामटे पुन्हा कॉल करीत आपल्याकडून ओटीपी घेतील. एवढी प्रक्रिया पूर्ण झाली की दुसऱ्या बाजूला आपल्या खात्यातील रक्कम काढून घेऊन आपली फसवणूक केली जाऊ शकते. त्यामुळे वेळीच सावध व्हा, व हा मेसेज आपल्या निकटवर्तीयांना फॉरवर्ड करा. जेणेकरुन आपल्या सोबत आप...

  वाढदिवस पत्रकारितेतील एका मोकळ्या ढाकळ्या स्वच्छंद व्यक्तिमत्वाचा .. आज संकल्प करु या व सामील होऊ या निखळ नितळ प्रवासात .... सिंदखेडराजा:- वाढदिवस म्हटलं की, जगण्याचा काळ एक वर्षाने कमी होतोय याची जाणीव देणारा दिवस असतो. मात्र त्यालाही काही ना काही निमित्त लावत विविध प्रकारचे कार्यक्रम राबवून सकारात्मक दृष्टिकोन देणारी परंपरा मानवाने जोपासली आहे. आज दि. २३ डिसेंबर, बुधवारी असाच एक आगळा वेगळा वाढदिवस केवळ राज्यच नव्हेतर राष्ट्रव्यापी स्वरूपात समाज माध्यमावर साजरा करण्यात आला. ज्यांचा वाढदिवस साजरा करण्यात आला, ती व्यक्ती म्हणजे पत्रकारितेत राब राब राबून नंतर ऑल जर्नालिस्ट अँड फ्रेंड्स सर्कल ह्या राष्ट्रव्यापी पत्रकार संघटनेची उभारणी करणारे साधी राहणी व उच्च विचारसरणीचे जिवंत उदाहरण असलेले यासिन पटेल. त्यांचं जीवन कोकणात पत्रकारिता करण्यात व त्यानंतर संघटनेची उभारणी करण्यात, त्यासाठी अजूनही कोणत्याही प्रकारच्या संघर्षाला सामोरे जाण्याची ह्या व्यक्तीची तयारी दिसून येते. आपल्या प्रेमळ स्वभावाने, संघटन कौशल्याने माणसे जोडणाऱ्या ह्या अवलियाने आपला सर्व चांगुलपणा पणाला लावला. परंतु त्या...