"दीसना"

यूपीआय शुल्काचा कायदेशीर मार्ग मोकळा;  मात्र सर्वसामान्यांच्या व्यवहारांवर सध्यातरी शुल्क नाही! राष्ट्रपती मुर्मूंची कायद्याला मंजुरी;  भविष्यात काही व्यवहारांवर MDR लागू होण्याची शक्यता नवी दिल्ली/वृत्तसेवा :  यूपीआय वापरणाऱ्या कोट्यवधी भारतीयांसाठी महत्त्वाची बातमी समोर आली आहे. डिजिटल पेमेंटच्या माध्यमातून होणाऱ्या व्यवहारांवर भविष्यात मर्चंट डिस्काउंट रेट अर्थात MDR आकारण्याचा कायदेशीर मार्ग आता मोकळा झाला आहे. राष्ट्रपती द्रौपदी मुर्मू यांनी Taxation and Other Laws (Amendment) Act, 2026 तसेच Payment and Settlement Systems Act, 2007 मधील संबंधित दुरुस्तीला १७ ऑगस्ट २०२६ रोजी मंजुरी दिल्याचे वृत्त आहे. मात्र या निर्णयाचा अर्थ आजपासून यूपीआय वापरणाऱ्या सामान्य नागरिकांना शुल्क द्यावे लागणार आहे, असा अजिबात नाही. केंद्र सरकारने स्वतः स्पष्ट केले आहे की ग्राहकांकडून यूपीआय व्यवहारासाठी कोणतेही व्यवहार शुल्क आकारले जाणार नाही. व्यक्ती-ते-व्यक्ती म्हणजेच P2P व्यवहारही मोफतच राहतील. नेमका बदल काय झाला? Payment and Settlement Systems Act मधील दुरुस्तीमुळे सरकारला विशिष्ट इ...

ग्रामसेवकांनंतर शिक्षक संघटनांचाही ग्रामसभांवर बहिष्कार अशैक्षणिक कामांच्या वाढत्या ओझ्याविरोधात बुलढाण्यात शिक्षक आक्रमक; जिल्ह्यातील १३ पंचायत समित्यांच्या गटविकास अधिकाऱ्यांना निवेदने बुलढाणा/वृत्तसेवा : ग्रामपंचायतीच्या ग्रामसभा घेण्याची जबाबदारी शिक्षक व मुख्याध्यापकांवर सोपविण्याच्या हालचालींना आता बुलढाणा जिल्ह्यातील शिक्षक संघटनांनी तीव्र विरोध दर्शविला आहे. ग्रामसेवक संघटनांनी ग्रामसभांच्या कामकाजावर बहिष्कार टाकल्यानंतर शिक्षकांवरही ग्रामसभा घेण्याची जबाबदारी सोपविण्याचा प्रयत्न होत असल्याच्या पार्श्वभूमीवर बुलढाणा जिल्हा शिक्षक संघटना समन्वय समितीने ग्रामसभा घेण्याच्या अतिरिक्त जबाबदारीवर बहिष्कार टाकण्याचा निर्णय घेतला आहे. या निर्णयाच्या अनुषंगाने जिल्ह्यातील सर्व १३ पंचायत समित्यांच्या गटविकास अधिकाऱ्यांना निवेदने देण्यात येणार असून, सिंदखेडराजा, नांदुरा, जळगाव जामोद, मेहकर आदी ठिकाणी संघटनेच्या वतीने निवेदने सादर करण्यात आल्याची माहिती आहे. शिक्षक संघटनांच्या म्हणण्यानुसार, शिक्षक आणि मुख्याध्यापकांचे प्रमुख काम विद्यार्थ्यांना दर्जेदार शिक्षण देणे, शैक्षणिक नियोजन कर...

क्रांतीज्योती सावित्रीबाई फुले  न.प. मराठी प्राथमिक शाळा क्र. १ च्या  शालेय व्यवस्थापन समितीची बिनविरोध निवड अध्यक्षपदी किरण डोईफोडे,  उपाध्यक्षपदी मनीषाताई सरपते;  शिक्षण तज्ञ म्हणून सुरज गुप्ता यांची निवड देऊळगावराजा :  येथील क्रांतीज्योती सावित्रीबाई ज्योतिराव फुले न.प. मराठी प्राथमिक शाळा क्रमांक १ येथे शिक्षणाचा अधिकार अधिनियम (RTE Act, 2009) मधील तरतुदींनुसार शालेय व्यवस्थापन समितीची निवड प्रक्रिया नुकतीच पार पडली. पालक सभेत सर्वानुमते व बिनविरोध पद्धतीने नूतन शालेय व्यवस्थापन समितीची निवड करण्यात आली. या निवडीमुळे शाळेच्या शैक्षणिक, भौतिक तसेच प्रशासकीय विकासाला अधिक चालना मिळण्याची अपेक्षा व्यक्त करण्यात आली. दि. २० ऑगस्ट रोजी गुरुवारी शाळेच्या परिसरात पालक सभेचे आयोजन करण्यात आले होते. या सभेच्या अध्यक्षस्थानी ज्येष्ठ सदस्य बळीराम मापारी होते. यावेळी शाळेच्या मुख्याध्यापिका सौ. राजमाने यांनी शालेय व्यवस्थापन समितीची भूमिका, जबाबदाऱ्या आणि शाळेच्या विकासातील महत्त्व याबाबत उपस्थित पालकांना मार्गदर्शन केले. शालेय व्यवस्थापन समितीच्या अध्यक्षपदी किरण डो...

लाडक्या बहिणींना मोठा धक्का;  लाडकी बहीण योजनेतील लाभार्थी संख्येत ९२ लाखांची घट ई-केवायसी, उत्पन्न, वय आणि वाहनमालकीच्या निकषांची पडताळणी;  सरकार म्हणते—पात्र महिलांचा लाभ बंद केला जाणार नाही मुंबई/वृत्तसेवा :   महाराष्ट्र सरकारच्या महत्त्वाकांक्षी मुख्यमंत्री माझी लाडकी बहीण योजनेतील लाभार्थ्यांची संख्या मोठ्या प्रमाणात घटली आहे. राज्यभर करण्यात आलेल्या ई-केवायसी आणि पात्रता पडताळणीनंतर सुरुवातीच्या नोंदणीच्या तुलनेत तब्बल ९२ लाखांहून अधिक नावे कमी झाल्याचे विविध अहवालांतून समोर आले आहे. मात्र, या सर्व महिलांना कायमस्वरूपी योजनेतून वगळण्यात आले आहे, असा दावा सध्या अधिकृतरीत्या करता येणार नाही. सरकारने पात्र महिलांना योजनेचा लाभ सुरू राहणार असल्याचे स्पष्ट केले आहे. मुख्यमंत्री माझी लाडकी बहीण योजना जून २०२४ मध्ये सुरू करण्यात आली. या योजनेअंतर्गत पात्र महिलांना दरमहा १,५०० रुपये थेट त्यांच्या बँक खात्यात जमा केले जातात. साधारणपणे २१ ते ६५ वर्षे वयोगटातील आणि कुटुंबाचे वार्षिक उत्पन्न २.५० लाख रुपयांपर्यंत असलेल्या महिलांना, शासनाने निश्चित केलेल्या इतर अटींच्या अधीन र...

आश्रमशाळेतील विद्यार्थ्यांवर फरशीवर झोपण्याची वेळ; कोट्यवधींचा निधी जातो कुठे? पळसन शासकीय आश्रमशाळेतील विदारक परिस्थिती;  मूलभूत सुविधांचा अभाव,  अस्वच्छ शौचालये आणि अंधारात विद्यार्थ्यांचे हाल नाशिक/वृत्तसेवा :   नाशिक जिल्ह्यातील सुरगाणा तालुक्यातील पळसन येथील शासकीय आश्रमशाळेतील विद्यार्थ्यांची अत्यंत दयनीय अवस्था समोर आली आहे. आदिवासी विकास विभागाच्या कळवण एकात्मिक आदिवासी विकास प्रकल्पांतर्गत चालणाऱ्या या आश्रमशाळेत विद्यार्थ्यांना आवश्यक त्या मूलभूत सुविधाही उपलब्ध नसल्याचा आरोप करण्यात आला आहे. विशेष म्हणजे, शिक्षणासाठी आलेल्या विद्यार्थ्यांना पुरेशा खाटा उपलब्ध नसल्याने चक्क फरशीवर चटई अथवा गादी टाकून झोपावे लागत असल्याचे आकस्मिक पाहणीत निदर्शनास आले आहे. शिवसेना आणि शाळा व्यवस्थापन समितीच्या पदाधिकाऱ्यांनी केलेल्या आकस्मिक पाहणीत आश्रमशाळेतील परिस्थितीचे हे विदारक चित्र समोर आले. इयत्ता पहिली ते बारावीपर्यंत सुमारे ४४० विद्यार्थी व विद्यार्थिनी या शाळेत शिक्षण घेत असल्याचे सांगण्यात येते. एवढ्या मोठ्या संख्येने विद्यार्थी असतानाही त्यांच्या निवासाची व्यवस्था ...

धनुष्यबाण चिन्ह ठाकरे गटाला मिळत नसेल तर गोठवा! कपिल सिब्बल यांची सर्वोच्च न्यायालयात मोठी मागणी;  ‘बहुमताच्या जोरावर मूळ राजकीय पक्ष ताब्यात घेता येत नाही’  असा जोरदार युक्तिवाद नवी दिल्ली/वृत्तसेवा : शिवसेना पक्ष आणि ‘धनुष्यबाण’ निवडणूक चिन्हावरून सुरू असलेल्या कायदेशीर संघर्षाला सर्वोच्च न्यायालयातील सुनावणीदरम्यान आता नवे वळण मिळाले आहे. उद्धव ठाकरे यांच्या नेतृत्वाखालील शिवसेना (उद्धव बाळासाहेब ठाकरे) गटाची बाजू मांडणारे ज्येष्ठ विधिज्ञ कपिल सिब्बल यांनी बुधवारी, १९ ऑगस्ट रोजी, एक महत्त्वपूर्ण पर्यायी मागणी न्यायालयासमोर मांडली. शिवसेना पक्ष आणि धनुष्यबाण चिन्ह ठाकरे गटाला देण्यात येत नसेल, तर ते कोणत्याही गटाला देऊ नये आणि धनुष्यबाण चिन्ह गोठवावे, अशी भूमिका सिब्बल यांनी मांडली. सिब्बल यांच्या या भूमिकेमुळे महाराष्ट्राच्या राजकारणात चर्चेला उधाण आले आहे. विशेष म्हणजे ठाकरे गटाने धनुष्यबाण चिन्हावर आपला दावा कायम ठेवला असून, ते चिन्ह आपल्याला मिळावे, हीच त्यांची प्राथमिक भूमिका असल्याचे या युक्तिवादातून स्पष्ट होते. मात्र न्यायालयाने ठाकरे गटाचा दावा मान्य केला नाही, त...

राज्य शासकीय पेन्शनधारकांसाठी मोठा दिलासा;  महागाई भत्ता ५८ वरून ६० टक्के मुंबई, दि. १९ ऑगस्ट २०२६ :  राज्यातील शासकीय निवृत्तिवेतनधारक आणि कुटुंब निवृत्तिवेतनधारकांसाठी महाराष्ट्र शासनाने महत्त्वाचा आणि दिलासादायक निर्णय घेतला आहे. राज्य शासनाच्या वित्त विभागाने जारी केलेल्या शासन निर्णयानुसार निवृत्तिवेतनधारकांना मिळणाऱ्या महागाई भत्त्याच्या दरात दोन टक्क्यांची वाढ करण्यात आली असून, हा दर आता ५८ टक्क्यांवरून ६० टक्के करण्यात आला आहे. विशेष म्हणजे ही वाढ १ जानेवारी २०२६ पासून पूर्वलक्षी प्रभावाने लागू करण्यात आली आहे. त्यामुळे जानेवारी २०२६ पासून आतापर्यंतची वाढीव महागाई भत्त्याची थकबाकीही संबंधित पेन्शनधारकांना मिळणार आहे. महाराष्ट्र शासनाच्या वित्त विभागाने १९ ऑगस्ट २०२६ रोजी यासंदर्भातील शासन निर्णय जारी केला आहे. या निर्णयात राज्य शासकीय निवृत्तिवेतनधारक तसेच कुटुंब निवृत्तिवेतनधारकांना त्यांच्या मूळ निवृत्तिवेतन किंवा कुटुंब निवृत्तिवेतनाच्या एकूण रकमेवर अनुज्ञेय असलेला महागाई भत्त्याचा दर १ जानेवारी २०२६ पासून ५८ टक्क्यांवरून ६० टक्के करण्यास मान्यता देण्यात आली आहे. त...

सिंदखेडराजा मतदारसंघातील SIR अभियानाचे काम १०० टक्के पूर्ण! ३ लाख २१ हजार ७३० मतदारांची पडताळणी;  २ लाख ९१ हजार २५५ EF फॉर्मचे डिजिटायझेशन सिंदखेडराजा, दि. १८ ऑगस्ट २०२६ :  मतदार याद्यांच्या विशेष सखोल पुनरिक्षण कार्यक्रमांतर्गत (SIR) २४-सिंदखेडराजा विधानसभा मतदारसंघातील मतदार पडताळणीचे काम १७ ऑगस्टपर्यंत १०० टक्के पूर्ण झाले आहे. या अभियानांतर्गत मतदारांकडून EF फॉर्म घेणे, कागदपत्रांची पडताळणी करणे आणि माहिती संगणकीय प्रणालीवर अपलोड करण्याचे काम पूर्ण करण्यात आले. सिंदखेडराजा विधानसभा मतदारसंघात एकूण ३ लाख २१ हजार ७३० मतदार आहेत. सर्व मतदारांना EF फॉर्मचे १०० टक्के वितरण करण्यात आले होते. त्यापैकी २ लाख ९१ हजार २५५ फॉर्मचे डिजिटायझेशन पूर्ण झाले असून, हे प्रमाण ९०.५३ टक्के आहे. उर्वरित ३० हजार ४७५ मतदारांचे फॉर्म विविध कारणांमुळे पूर्ण स्वरूपात प्राप्त होऊ शकले नाहीत. यामध्ये ८ हजार ७८६ मृत मतदार, १३ हजार ६६५ कायमस्वरूपी स्थलांतरित मतदार, २ हजार २६ ट्रेस न लागलेले मतदार, ५ हजार ९५५ दुबार मतदार आणि ४३ इतर कारणांतील मतदारांचा समावेश आहे. या सर्व बाबींची आवश्यक पडताळणी करून नोंद...

बीड जिल्हा रुग्णालयातील डॉक्टरांचा गंभीर निष्काळजीपणा   नवमातेची मृत्यूशी झुंज बीड / वृत्तसेवा बीड जिल्हा सामान्य रुग्णालयातून डॉक्टरांच्या घोर हलगर्जीपणाचा एक अत्यंत संतापजनक आणि धक्कादायक प्रकार समोर आला आहे. सीझेरियन शस्त्रक्रियेदरम्यान १९ वर्षीय नवमातेच्या पोटात सर्जिकल हातमोजे आणि कागदी रुमाल तसेच सोडून टाकण्यात आल्याने पीडित महिला सध्या मृत्यूशी झुंज देत आहे. या प्रकरणाने संपूर्ण बीड परिसरात तीव्र संतापाची लाट उसळली आहे. पीडित महिलेचे नाव संध्या सूरज गायकवाड असे असून तिचे वय अवघे १९ वर्षे आहे. बाळंतपणासाठी तिला बीड जिल्हा रुग्णालयात दाखल करण्यात आले होते. २ ऑगस्ट रोजी तिच्यावर सीझेरियन शस्त्रक्रिया करण्यात आली आणि तिने एका बाळाला जन्म दिला. शस्त्रक्रियेनंतर चार दिवसांनी तिला घरी पाठवण्यात आले. मात्र घरी गेल्यानंतर तिच्या पोटात तीव्र वेदना सुरू झाल्या. स्थानिक खाजगी रुग्णालयात तपासणी केली असता डॉक्टरांना पोटात काहीतरी परकीय वस्तू असल्याचे आढळून आले. प्रकृती झपाट्याने खालावल्याने कुटुंबीयांनी तिला तातडीने पुण्यातील ससून रुग्णालयात हलवले. तेथे १२ किंवा १३ ऑगस्ट रोजी तिच्याव...

सिंदखेडराजाच्या ‘मातृतीर्थ राजमाता जिजाऊ स्मारका’साठी ५० कोटींचा निधी मंजूर माजी आमदार डॉ. शशिकांत खेडेकर यांच्या मागणीला शासनाची सकारात्मक दखल;  विशेष अनुदानातून निधी उपलब्ध होणार शासन निर्णयाची प्रत एकनाथजी शिंदे साहेब, उपमुख्यमंत्री, महाराष्ट्र राज्य हे माजी आमदार डॉ. शशिकांत खेडेकर यांना सुपूर्द करताना. सिंदखेडराजा : राजमाता जिजाऊ माँसाहेबांचे जन्मस्थळ असलेल्या सिंदखेडराजा शहरातील ‘मातृतीर्थ राजमाता जिजाऊ स्मारक’ परिसराच्या अनुषंगिक विकासकामांसाठी तब्बल ५० कोटी रुपयांचा निधी मंजूर करण्यात आला आहे. माजी आमदार डॉ. शशिकांत खेडेकर यांनी राज्याचे उपमुख्यमंत्री तथा नगरविकास मंत्री एकनाथजी शिंदे यांच्याकडे केलेल्या मागणीची शासनाने दखल घेत हा महत्त्वपूर्ण शासन निर्णय जारी केला आहे. त्यामुळे सिंदखेडराजाच्या पर्यटन विकासाला मोठी चालना मिळण्याची अपेक्षा व्यक्त होत आहे. माजी आमदार डॉ. शशिकांत खेडेकर यांनी १४ जुलै २०२६ रोजी उपमुख्यमंत्री एकनाथ शिंदे यांना निवेदन देऊन सिंदखेडराजा नगरपरिषद अंतर्गत ‘मातृतीर्थ राजमाता जिजाऊ स्मारक’ येथे अनुषंगिक विकासकामे करण्यासाठी ‘नगरपरिषदांना वैशिष्ट्यपूर्...

विमानतळावरील नोकरीच्या परीक्षेवरून छत्रपती संभाजीनगरात गोंधळ;  उमेदवारांच्या फसवणुकीच्या आरोपांनी खळबळ १२वी उत्तीर्णांसाठी ४,१०३ पदांची भरती;  परीक्षा केंद्रांवरील गैरव्यवस्थेचे उमेदवारांचे आरोप, पोलिसांकडे तक्रारी छत्रपती संभाजीनगर/वृत्तसेवा : विमानतळावरील कस्टमर सर्व्हिस असोसिएट पदाच्या भरती परीक्षेवरून छत्रपती संभाजीनगरात रविवारी, ९ ऑगस्ट रोजी मोठा गोंधळ निर्माण झाल्याचा प्रकार समोर आला आहे. परीक्षा केंद्रांवर अपेक्षित व्यवस्था नसल्याचा आरोप उमेदवारांनी केला असून, या प्रकारामुळे परीक्षेसाठी आलेल्या तरुणांमध्ये संतापाचे वातावरण निर्माण झाले. काही उमेदवारांनी आर्थिक फसवणूक झाल्याचाही आरोप केल्याने या संपूर्ण भरती प्रक्रियेबाबत प्रश्नचिन्ह निर्माण झाले आहे. मिळालेल्या माहितीनुसार, NIA Aviation Services Pvt. Ltd. या खासगी कंपनीने देशातील विविध विमानतळांवरील Customer Service Associate (CSA) पदांसाठी भरती प्रक्रिया जाहीर केली होती. कंपनीच्या अधिकृत जाहिरातीनुसार या भरतीमध्ये ४,१०३ पदे असून, शैक्षणिक पात्रता १२वी उत्तीर्ण अशी आहे. जाहिरातीत निवड झालेल्या उमेदवारांना अंदाजे ₹१४ ह...

देऊळगावराजा ग्रामीण रुग्णालयातील डिझेल वापराची चौकशी करा धनगर समाज संघर्ष समितीचे जिल्हा शल्यचिकित्सकांना निवेदन;  दोषींवर कारवाईची मागणी देऊळगावराजा :   ग्रामीण रुग्णालय, देऊळगावराजा येथील शासकीय रुग्णवाहिकेच्या नावावर डिझेल वापराबाबत कथित आर्थिक गैरव्यवहार झाल्याचा आरोप करत या प्रकरणाची निष्पक्ष, स्वतंत्र व सखोल चौकशी करून दोषींवर नियमानुसार प्रशासकीय व फौजदारी कारवाई करावी, अशी मागणी धनगर समाज संघर्ष समितीचे बुलढाणा जिल्हा युवक अध्यक्ष समाधान मिसाळ यांनी केली आहे. याबाबत त्यांनी जिल्हा शल्यचिकित्सक, जिल्हा सामान्य रुग्णालय, बुलढाणा यांना ७ ऑगस्ट २०२६ रोजी निवेदन दिले. निवेदनात म्हटले आहे की, शासकीय रुग्णवाहिका ही सर्वसामान्य नागरिकांच्या जीवनाशी निगडित अत्यंत महत्त्वाची सार्वजनिक सेवा आहे. त्यामुळे तिच्या संचालनासाठी होणाऱ्या प्रत्येक खर्चामध्ये पारदर्शकता, उत्तरदायित्व आणि आर्थिक शिस्त असणे आवश्यक आहे. मात्र, देऊळगावराजा ग्रामीण रुग्णालयाच्या नावावर असलेल्या रुग्णवाहिकेच्या डिझेल वापराबाबत गंभीर अनियमितता झाल्याचा प्रथमदर्शनी संशय निर्माण होत असल्याचे निवेदनात नमूद करण्या...

शिंदेसेनेचे नगरसेवक रमेश म्हात्रेंना हायकोर्टाचा दणका! जामीन मंजूर; पण महाराष्ट्रात प्रवेशबंदी  — चार्जशीट होईपर्यंत गोव्यात राहण्याचे आदेश मुंबई/वृत्तसेवा : डोंबिवलीतील शास्त्रीनगर महानगरपालिका रुग्णालयातील डॉक्टर आणि वैद्यकीय कर्मचाऱ्यांना मारहाण केल्याच्या गंभीर प्रकरणात अटकेत असलेले शिवसेना (शिंदे गट) नगरसेवक रमेश म्हात्रे आणि इतर आरोपींना मुंबई उच्च न्यायालयाने जामीन मंजूर केला आहे. मात्र, हा जामीन मिळाला असला तरी न्यायालयाने आरोपींवर घातलेल्या कठोर अटींमुळे त्यांना मोठा धक्का बसला आहे. जामीन मिळाला… पण महाराष्ट्रात येता येणार नाही! उच्च न्यायालयाने आरोपपत्र दाखल होईपर्यंत रमेश म्हात्रे आणि सहआरोपींना महाराष्ट्राच्या हद्दीत प्रवेश करण्यास मनाई केली आहे. जामीन कालावधीत रमेश म्हात्रे यांनी गोव्यातील अंजुना पोलीस ठाण्याच्या हद्दीत वास्तव्य करायचे असून, आठवड्यातून तीन वेळा अंजुना पोलीस ठाण्यात हजेरी लावणे बंधनकारक करण्यात आले आहे. पासपोर्टही न्यायालयात जमा! न्यायालयाने आरोपींना त्यांचे पासपोर्ट जमा करण्याचे आदेश दिले आहेत. तसेच तक्रारदार, पीडित डॉक्टर, नर्सिंग कर्मचारी किंवा कोणत्...

कथित ऑडिओ क्लिप प्रकरण :  भाजपचे माजी प्रदेश महामंत्री विजय चौधरी अटकेत;  ॲट्रॉसिटीसह विविध कलमांखाली गुन्हे नंदुरबार/वृत्तसेवा  नंदुरबारमध्ये कथित व्हायरल ऑडिओ क्लिप प्रकरणात भाजपचे माजी प्रदेश महामंत्री विजय चौधरी यांना पोलिसांनी ताब्यात घेतले असून, त्यानंतर त्यांना अटक करण्यात आली आहे. माजी खासदार डॉ. हिना गावित यांच्याबाबत कथित आक्षेपार्ह वक्तव्य केल्याचा आरोप त्यांच्यावर आहे. या प्रकरणामुळे नंदुरबारसह राज्याच्या राजकीय वर्तुळात मोठी खळबळ उडाली आहे. गेल्या काही दिवसांपासून विजय चौधरी यांची एक कथित ऑडिओ क्लिप सोशल मीडियावर मोठ्या प्रमाणात व्हायरल झाली होती. या क्लिपमध्ये त्यांनी भाजपमधील काही वरिष्ठ नेते, केंद्रीय राज्यमंत्री रक्षा खडसे, माजी मंत्री एकनाथ खडसे, रोहिणी खडसे तसेच माजी खासदार डॉ. हिना गावित आणि काही अन्य व्यक्तींविषयी आक्षेपार्ह भाषा वापरल्याचा दावा करण्यात आला आहे. मात्र, या ऑडिओ क्लिपची सत्यता स्वतंत्रपणे सिद्ध झालेली नसल्याचे स्पष्ट आहे. डॉ. हिना गावित यांच्या कुटुंबीयांनी दिलेल्या तक्रारीनंतर नंदुरबार शहर पोलीस ठाण्यात विजय चौधरी यांच्याविरुद्ध अन...

ग्रामीण विद्यार्थ्यांसाठी प्रेरणादायी आदर्श :  पिंप्री खंदारेच्या अक्षय कांबळे यांची  सोळा लाखांच्या शिष्यवृत्तीसह उच्च शिक्षणासाठी भरारी  अक्षय कांबळे यांच्या कुटुंबीयांचा सत्कार करतांना ग्रामस्थ  सिंदखेडराजा – ग्रामीण भागात राहूनही जिद्द, कठोर परिश्रम, योग्य मार्गदर्शन आणि शिक्षणाची प्रबळ इच्छा असेल, तर कोणतेही यश अशक्य नसते, हे पिंप्री खंदारे येथील अक्षय पांडुरंग कांबळे यांनी आपल्या कर्तृत्वातून सिद्ध करून दाखवले आहे. इंडियन इन्स्टिट्यूट फॉर ह्यूमन सेटलमेंट्स (IIHS), बेंगळुरू येथे Human Development Policy and Practice या पदव्युत्तर अभ्यासक्रमासाठी त्यांची निवड झाली असून, त्यांना शिक्षणासाठी तब्बल सोळा लाख रुपयांची शिष्यवृत्ती मिळाली आहे. त्यांचे हे यश आज ग्रामीण भागातील प्रत्येक विद्यार्थी आणि पालकांसाठी प्रेरणादायी ठरत आहे. अत्यंत सामान्य कुटुंबातून आलेल्या अक्षय यांनी प्रतिकूल परिस्थितीला कधीही अडथळा मानले नाही. पिंप्री खंदारे येथील जिल्हा परिषद शाळेत प्राथमिक शिक्षण, बिबी येथील वसंतराव नाईक विद्यालयात माध्यमिक शिक्षण आणि त्यानंतर पुणे येथे पदवीचे शिक्षण प...

शिक्षक होण्याचे स्वप्न अपूर्ण राहिले...  तरीही जिद्द, चिकाटी आणि मेहनतीच्या जोरावर  अनिल जायभाये बनलेत एक्साईज उपनिरीक्षक  अनिल कारभारी जायभाये  सिंदखेडराजा:- काही स्वप्ने अपूर्ण राहतात; मात्र त्याच अपूर्ण स्वप्नांतून नवे ध्येय गाठण्याची प्रेरणा मिळते. याच प्रेरणेचे जिवंत उदाहरण म्हणजे तालुक्यातील हनवतखेड येथील अनिल कारभारी जायभाये यांचे आहे. शिक्षक होण्याचे स्वप्न उराशी बाळगून शिक्षण पूर्ण केलेल्या अनिल यांनी परिस्थितीमुळे ते स्वप्न पूर्ण होऊ शकले नाही. तरीही न डगमगता जिद्द, चिकाटी आणि अथक परिश्रमांच्या बळावर अखेर महाराष्ट्र लोकसेवा आयोगाच्या (MPSC) माध्यमातून राज्य उत्पादन शुल्क विभागात एक्साईज पोलीस उपनिरीक्षक (Excise PSI) या मानाच्या पदावर नियुक्ती मिळवून उल्लेखनीय यश संपादन केले आहे. लहानपणापासून शिक्षक बनून विद्यार्थ्यांना ज्ञानदान करण्याची त्यांची इच्छा होती. मात्र काळ आणि परिस्थितीने वेगळा मार्ग दाखवला. अनेकजण अशा प्रसंगी निराश होतात, परंतु अनिल जायभाये यांनी अपयशाला कधीही अंतिम सत्य मानले नाही. त्यांनी त्याच अपूर्ण स्वप्नाला नव्या यशाची प्रेरणा बनवत स्पर्धा ...

देऊळगावराजा शहरात मोकाट जनावरांचा विळखा;  संतोष टॉकीज चौकात वाहतूक धोक्यात,  प्रशासनाची झोप कधी उडणार? देऊळगावराजा :- देऊळगावराजा शहरातील संतोष टॉकीज चौक परिसरात मोकाट जनावरांचा कळप दिवसभर ठाण मांडून उभा राहत असल्याने वाहतुकीला मोठा अडथळा निर्माण होत आहे. या समस्येमुळे वाहनचालक, पादचारी आणि परिसरातील दुकानदार त्रस्त झाले असून, संबंधित शासकीय यंत्रणा मात्र अद्यापही केवळ बघ्याची भूमिका घेत असल्याची तीव्र भावना नागरिकांमध्ये व्यक्त होत आहे. दरवर्षीप्रमाणे पावसाळ्यात शिवारात पेरण्या पूर्ण झाल्यानंतर शेतकरी आपल्या पिकांच्या संरक्षणासाठी काटेरी कुंपण उभारतात किंवा मोकाट जनावरांना शेतातून हुसकावून लावतात. परिणामी ही जनावरे शहराकडे धाव घेतात. शहरात आल्यानंतर संतोष टॉकीज चौकासारख्या गजबजलेल्या ठिकाणी समूहाने उभी राहत असल्याने वाहतुकीची कोंडी, अपघाताचा धोका आणि नागरिकांच्या सुरक्षिततेचा प्रश्न गंभीर बनला आहे. या मोकाट जनावरांमुळे परिसरातील दुकानदारांनाही मोठा त्रास सहन करावा लागत आहे. दुकानांसमोर जनावरांचा वावर, रस्त्यावर होणारी घाण, दुर्गंधी आणि ग्राहकांना होणारा मनस्ताप यामुळे व्या...