"९६ मानधन शिक्षकांना न्यायालयाचा दिलासा; ॲड. योगेश जायभाये यांच्या युक्तिवादामुळे शिक्षण विभागाच्या आदेशाला स्टे!"

-

"९६ मानधन शिक्षकांना न्यायालयाचा दिलासा; 

ॲड. योगेश जायभाये यांच्या युक्तिवादामुळे शिक्षण विभागाच्या आदेशाला स्टे!"



नंदुरबार | वृत्तसेवा 

नंदुरबार जिल्ह्यात मानधन तत्त्वावर कार्यरत असलेल्या ९६ शिक्षकांना मुंबई उच्च न्यायालयाच्या औरंगाबाद खंडपीठाकडून मोठा दिलासा मिळाला आहे. संबंधित प्रकरणात न्यायालयाने अंतरिम स्थगिती (स्टे) आदेश दिल्याने शिक्षकांच्या सेवेसमोरील तातडीचा धोका टळला आहे.

पवित्र पोर्टलमार्फत सुरू असलेल्या भरती प्रक्रियेत नंदुरबार जिल्ह्यासाठी दोन गट तयार करण्यात आले होते. यातील पहिल्या गटातील अनेक शिक्षक शिक्षण सेवक म्हणून नियुक्त होऊन इतर जिल्ह्यांमध्ये कार्यरत आहेत. तर नंदुरबार जिल्ह्यात मानधन तत्त्वावर कार्यरत असलेले ९६ शिक्षक अनेक वर्षांपासून दुर्गम व अतिदुर्गम आदिवासी भागातील विद्यार्थ्यांना शिक्षण देण्याचे कार्य करत आहेत.

दरम्यान, शिक्षण आयुक्त, महाराष्ट्र राज्य यांनी बाहेरील जिल्ह्यांमध्ये कार्यरत असलेल्या शिक्षकांना नंदुरबार जिल्ह्यात प्राधान्य देण्याबाबत आदेश जारी केला होता. मात्र जिल्ह्यातील उपलब्ध जागा मर्यादित असल्याने या निर्णयामुळे अनेक वर्षांपासून सेवा बजावत असलेल्या मानधन शिक्षकांच्या रोजगारावर गदा येण्याची शक्यता निर्माण झाली होती.

याविरोधात संबंधित शिक्षकांच्या वतीने ॲड. योगेश व्ही. जायभाये यांनी उच्च न्यायालयात याचिका दाखल करून प्रभावी बाजू मांडली. नंदुरबार जिल्ह्याची भौगोलिक परिस्थिती, आदिवासी भागातील शैक्षणिक गरजा, तसेच अनेक वर्षांपासून सेवा देणाऱ्या मानधन शिक्षकांच्या हक्कांचा मुद्दा न्यायालयासमोर ठोसपणे मांडण्यात आला.

या युक्तिवादाची दखल घेत न्यायालयाने शिक्षण आयुक्त, महाराष्ट्र राज्य, मुख्य कार्यकारी अधिकारी आणि शिक्षणाधिकारी, नंदुरबार यांना नोटीस बजावली असून पुढील चार आठवड्यांत उत्तर सादर करण्याचे निर्देश दिले आहेत. तसेच शिक्षण आयुक्तांनी काढलेल्या आदेशाला अंतरिम स्थगिती देण्यात आली आहे.

न्यायालयाच्या या आदेशामुळे नंदुरबार जिल्ह्यातील ९६ मानधन शिक्षकांना मोठा दिलासा मिळाला असून त्यांच्या सेवासुरक्षेला तात्पुरते संरक्षण मिळाले आहे. या निर्णयाचे शिक्षक व शिक्षक संघटनांकडून स्वागत करण्यात येत आहे.

ॲड. योगेश व्ही. जायभाये यांनी सांगितले की, "दुर्गम आदिवासी भागात अनेक वर्षांपासून सेवा देणाऱ्या शिक्षकांच्या हक्कांचे संरक्षण व्हावे आणि त्यांना न्याय मिळावा यासाठी आम्ही न्यायालयात प्रभावीपणे बाजू मांडली. न्यायालयाने त्याची दखल घेत दिलेला हा अंतरिम दिलासा महत्त्वपूर्ण आहे."

टिप्पण्या

टिप्पणी पोस्ट करा

या ब्लॉगवरील लोकप्रिय पोस्ट

चिखला काकड :: छत्रपती शिवाजी महाराज पुतळा प्रकरण नेत्याच्या विखारी भूमिकेमुळे शिवसेना महिला आघाडी तालुका प्रमुखांचा राजीनामा

-
इमेज
चिखला काकड :: छत्रपती शिवाजी महाराज पुतळा प्रकरण नेत्याच्या विखारी भूमिकेमुळे शिवसेना महिला आघाडी तालुका प्रमुखांचा राजीनामा सिंदखेडराजा:- नजीकच्या चिखला काकड येथील छत्रपती शिवाजी महाराज यांच्या पुतळा प्रकरणी माजी आमदार यांच्या भूमिकेला लक्ष करीत शिवसेना शिंदे गटाच्या महिला आघाडी तालुका प्रमुख असलेल्या सौ. जयश्री दीपक कायंदे यांनी आपल्या पदाचा राजीनामा सरळसरळ माजी मुख्यमंत्री एकनाथ शिंदे यांच्याकडे पाठविला आहे. या राजीनाम्यामुळे राजकीय वर्तुळात खळबळ उडाली आहे. छत्रपती शिवाजी महाराज यांच्या पुतळ्यासंदर्भात चिखला काकड, ता. लोणार येथील प्रकरणामुळे संपूर्ण राज्यात खळबळ उडाली आहे. याच पार्श्वभूमीवर शिवसेना शिंदे गटाचे नेते व माजी आमदार डॉ. शशिकांत खेडेकर यांच्या जातीयवादी विखारी भूमिकेमुळे अस्वस्थ झाल्याचे राजीनामा पत्रात विदित करीत सौ. जयश्री दीपक कायंदे यांनी राजीनामा मंजूर करुन आपला श्वास मोकळा करण्याचे राजीनामा पत्र माजी मुख्यमंत्री एकनाथ शिंदे यांच्याकडे पाठविले आहे. ह्या राजीनामा पत्रात पुढे म्हटले आहे की, शिवसेनेचे संस्थापक माननीय बाळासाहेब ठाकरे यांचे विचार प्रवाहित करण्याचे काम शिव...
अधिक वाचा

खोटी कागदपत्रे सादर करीत कर्ज प्रकरणी ; जि. प. मुख्याध्यापक दोन दिवस अटकेत; शिक्षण विभाग मात्र कुंभकर्णी झोपेतच :: चर्चेचे एकच पेव फुटले

-
इमेज
खोटी कागदपत्रे सादर करीत कर्ज प्रकरणी ; जि. प. मुख्याध्यापक दोन दिवस अटकेत; शिक्षण विभाग मात्र कुंभकर्णी झोपेतच  चर्चेचे एकच पेव फुटले सिंदखेडराजा:- तालुक्यातील दुसरबीड येथील पतसंस्थेत खोटी बनावट कागदपत्रे सादर करत  जि. प. शाळेत उच्च श्रेणी मुख्याध्यापकाने कर्ज घेतले आहे. त्याप्रकरणी त्या आरोपी मुख्याध्यापकास अटक होऊन जामीन सुद्धा मंजूर झाला आहे. मात्र याबाबत शिक्षण विभागाने कारवाईची कुठलीही पावले उचलली नसल्याची दबक्या आवाजात शंका कुशंकात्मक चर्चा होत आहे. सत्यजित अर्बन क्रेडिट को ऑपरेटिव्ह सोसायटी, शाखा दुसरबीड, चे व्यवस्थापक दर्शन चोपडा यांनी यासंदर्भात किनगावराजा पोलिस ठाण्यात दिलेल्या फिर्यादीत म्हटले आहे की, पतसंस्थेमध्ये आरोपी शिक्षक दामोदर माणिकराव बुरकुल, उच्च श्रेणी मुख्याध्यापक, रा. शिंगणे नगर, देऊळगावराजा याने सन २०२० मध्ये खोटे बनावट कागदपत्रे सादर करुन ५ लाख रुपयांचे कर्ज घेतले होते. त्यामध्ये जे हमीपत्र होते, त्यावर गटशिक्षणाधिकारी यांच्या बनावट सह्या व शिक्के होते.  सन २०२३ मध्ये याप्रकरणी पोलिसांनी गु. र. नं. २९२/२०२३ कलम ४२०, ४६८, ४७१ भादंवि नुसार गुन्हा ...
अधिक वाचा

सासूच्या सौंदर्यावर जावई फिदा; दोघांनी घरातून पळून जाऊन थाटला संसार, नातेसंबंधांच्या गणिताला नवा ट्विस्ट!

-
इमेज
सासूच्या सौंदर्यावर जावई फिदा;  दोघांनी घरातून पळून जाऊन थाटला संसार,  नातेसंबंधांच्या गणिताला नवा ट्विस्ट! हेच ते जावई आणि सासू कानपूर/वृत्तसेवा उत्तर प्रदेशातील कानपूर येथे नातेसंबंधांच्या पारंपरिक व्याख्यांनाच आव्हान देणारी एक धक्कादायक आणि तितकीच चर्चेची घटना समोर आली आहे. एका सासूने स्वतःच्या जावयासोबत घरातून पळ काढत कोर्ट मॅरेज केल्याने परिसरात आश्चर्य व्यक्त होत आहे. सोशल मीडियावर या प्रकरणाची जोरदार चर्चा रंगली असून अनेकांनी "कुटुंबाच्या नातेसंबंधांचे गणितच बदलले" अशी प्रतिक्रिया दिली आहे. माहितीनुसार, अकबरपूर पोलीस ठाण्याच्या हद्दीतील ही घटना आहे. जावई आणि सासू यांच्यातील जवळीक इतकी वाढली की दोघांनी थेट घर सोडण्याचा निर्णय घेतला. त्यानंतर त्यांनी न्यायालयात विवाह करून नव्या संसाराला सुरुवात केल्याचे सांगितले जात आहे. या घटनेनंतर सोशल मीडियावर व्हायरल झालेल्या व्हिडिओमध्ये दोघेही आपल्या निर्णयाचे समर्थन करताना दिसत आहेत. "आम्ही एकमेकांच्या संमतीने लग्न केले असून समाजाने आम्हाला आशीर्वाद द्यावेत," अशी विनंती त्यांनी केली आहे. दरम्यान, या प्रकारामुळे नाते...
अधिक वाचा