खैरव-बारलिंगा ग्रामपंचायत सदस्यांचा बंडाचा झेंडा; सरपंचांवर अविश्वासाचा निर्णायक डाव नऊ पैकी आठ सदस्य एकवटले; सरपंचांविरोधात थेट मोर्चेबांधणी

-

 खैरव-बारलिंगा ग्रामपंचायत सदस्यांचा बंडाचा झेंडा; सरपंचांवर अविश्वासाचा निर्णायक डाव

नऊ पैकी आठ सदस्य एकवटले; सरपंचांविरोधात थेट मोर्चेबांधणी



सिंदखेडराजा (प्रतिनिधी)  तालुक्यातील खैरव-बारलिंगा गट ग्रामपंचायतीत राजकीय घडामोडींना वेग आला असून, नऊ पैकी आठ ग्रामपंचायत सदस्यांनी सरपंचांविरोधात उघड बंड पुकारण्यात आले आहे. सरपंच सौ. नलिता राजेंद्र गरुड यांच्या कार्यपद्धतीवर नाराजी व्यक्त करत अविश्वास प्रस्ताव थेट तहसीलदारांकडे दाखल करण्यात आला आहे.
या बंडामागे केवळ नाराजी नसून, ग्रामपंचायतीतील सत्ताबदलाचे स्पष्ट संकेत दिसत असल्याची चर्चा गावपातळीवर रंगली आहे. जवळपास सर्वच सदस्यांनी एकत्र येत सरपंचांच्या कारभारावर जोरदार हल्लाबोल केला आहे. त्यामध्ये “ग्रामपंचायत कारभारात पारदर्शकता नाही, सदस्यांना विश्वासात घेतले जात नाही, विकासकामे ठप्प झाली आहेत,” असे गंभीर आरोप केले आहेत.
या अविश्वास प्रस्तावावर स्वाक्षऱ्या करणाऱ्या सदस्यांमध्ये विद्या संजय लहाने, प्रकाश रामभाऊ गरुड, नंदा श्रीकृष्ण तळेकर, दत्तू त्र्यंबक तळेकर, अलका सुधाकर नागरे, जनार्धन विक्रम नागरे, म्हस्के मीनाक्षी विनोद आणि भालेराव सुनिता सुरेश यांचा समावेश आहे. या सर्व सदस्यांनी एकत्र येत सरपंचांविरोधात उघडपणे मोर्चेबांधणी केल्याने ग्रामपंचायतीतील राजकारण तापले आहे.
याशिवाय, सरपंच पतीकडून कारभारात होत असलेला कथित हस्तक्षेप, सदस्यांशी समन्वयाचा अभाव, विकासकामांमधील अनियमितता आणि प्रशासनातील पारदर्शकतेचा अभाव या मुद्द्यांवरही सदस्यांनी आक्रमक भूमिका घेतली आहे. त्यामुळे ग्रामपंचायतीतील अंतर्गत संघर्ष आता उघडपणे समोर आला आहे.
महाराष्ट्र ग्रामपंचायत अधिनियम १९५९ च्या कलम ३५ अंतर्गत दाखल करण्यात आलेल्या या प्रस्तावानुसार विशेष सभा बोलावून मतदानाद्वारे अंतिम निर्णय घेण्याची मागणी करण्यात आली आहे.
दरम्यान, जवळपास सर्वच सदस्यांनी ताकद दाखविल्याने सरपंचांच्या गोटात खळबळ उडाली आहे. येणाऱ्या विशेष सभेत नेमके कोण बाजी मारते, याकडे संपूर्ण तालुक्याचे लक्ष लागले असून खैरव-बारलिंगा ग्रामपंचायतीत सत्तांतराचे वारे वेगाने वाहू लागल्याची चर्चा रंगली आहे.

तहसीलदार यांना निवेदन देतांना ग्रामपंचायत सदस्य व स्थानिक 

टिप्पण्या

टिप्पणी पोस्ट करा

धन्यवाद ..!🙏

या ब्लॉगवरील लोकप्रिय पोस्ट

चिखला काकड :: छत्रपती शिवाजी महाराज पुतळा प्रकरण नेत्याच्या विखारी भूमिकेमुळे शिवसेना महिला आघाडी तालुका प्रमुखांचा राजीनामा

-
इमेज
चिखला काकड :: छत्रपती शिवाजी महाराज पुतळा प्रकरण नेत्याच्या विखारी भूमिकेमुळे शिवसेना महिला आघाडी तालुका प्रमुखांचा राजीनामा सिंदखेडराजा:- नजीकच्या चिखला काकड येथील छत्रपती शिवाजी महाराज यांच्या पुतळा प्रकरणी माजी आमदार यांच्या भूमिकेला लक्ष करीत शिवसेना शिंदे गटाच्या महिला आघाडी तालुका प्रमुख असलेल्या सौ. जयश्री दीपक कायंदे यांनी आपल्या पदाचा राजीनामा सरळसरळ माजी मुख्यमंत्री एकनाथ शिंदे यांच्याकडे पाठविला आहे. या राजीनाम्यामुळे राजकीय वर्तुळात खळबळ उडाली आहे. छत्रपती शिवाजी महाराज यांच्या पुतळ्यासंदर्भात चिखला काकड, ता. लोणार येथील प्रकरणामुळे संपूर्ण राज्यात खळबळ उडाली आहे. याच पार्श्वभूमीवर शिवसेना शिंदे गटाचे नेते व माजी आमदार डॉ. शशिकांत खेडेकर यांच्या जातीयवादी विखारी भूमिकेमुळे अस्वस्थ झाल्याचे राजीनामा पत्रात विदित करीत सौ. जयश्री दीपक कायंदे यांनी राजीनामा मंजूर करुन आपला श्वास मोकळा करण्याचे राजीनामा पत्र माजी मुख्यमंत्री एकनाथ शिंदे यांच्याकडे पाठविले आहे. ह्या राजीनामा पत्रात पुढे म्हटले आहे की, शिवसेनेचे संस्थापक माननीय बाळासाहेब ठाकरे यांचे विचार प्रवाहित करण्याचे काम शिव...
अधिक वाचा

खोटी कागदपत्रे सादर करीत कर्ज प्रकरणी ; जि. प. मुख्याध्यापक दोन दिवस अटकेत; शिक्षण विभाग मात्र कुंभकर्णी झोपेतच :: चर्चेचे एकच पेव फुटले

-
इमेज
खोटी कागदपत्रे सादर करीत कर्ज प्रकरणी ; जि. प. मुख्याध्यापक दोन दिवस अटकेत; शिक्षण विभाग मात्र कुंभकर्णी झोपेतच  चर्चेचे एकच पेव फुटले सिंदखेडराजा:- तालुक्यातील दुसरबीड येथील पतसंस्थेत खोटी बनावट कागदपत्रे सादर करत  जि. प. शाळेत उच्च श्रेणी मुख्याध्यापकाने कर्ज घेतले आहे. त्याप्रकरणी त्या आरोपी मुख्याध्यापकास अटक होऊन जामीन सुद्धा मंजूर झाला आहे. मात्र याबाबत शिक्षण विभागाने कारवाईची कुठलीही पावले उचलली नसल्याची दबक्या आवाजात शंका कुशंकात्मक चर्चा होत आहे. सत्यजित अर्बन क्रेडिट को ऑपरेटिव्ह सोसायटी, शाखा दुसरबीड, चे व्यवस्थापक दर्शन चोपडा यांनी यासंदर्भात किनगावराजा पोलिस ठाण्यात दिलेल्या फिर्यादीत म्हटले आहे की, पतसंस्थेमध्ये आरोपी शिक्षक दामोदर माणिकराव बुरकुल, उच्च श्रेणी मुख्याध्यापक, रा. शिंगणे नगर, देऊळगावराजा याने सन २०२० मध्ये खोटे बनावट कागदपत्रे सादर करुन ५ लाख रुपयांचे कर्ज घेतले होते. त्यामध्ये जे हमीपत्र होते, त्यावर गटशिक्षणाधिकारी यांच्या बनावट सह्या व शिक्के होते.  सन २०२३ मध्ये याप्रकरणी पोलिसांनी गु. र. नं. २९२/२०२३ कलम ४२०, ४६८, ४७१ भादंवि नुसार गुन्हा ...
अधिक वाचा

शिंगणे, कायंदे परिवार .. अन मी दीसना खकानलेल्या, स्वार्थी जळकुट्यांनो .. हा घ्या ढळढळीत पुरावा

-
इमेज
  शिंगणे, कायंदे परिवार .. अन  मी दीसना  खकानलेल्या, स्वार्थी जळकुट्यांनो .. हा घ्या ढळढळीत पुरावा  (दीपक सत्यभान नागरे) सिंदखेडराजा:- नवनिर्वाचित आमदार मनोज नंदाताई देवानंद कायंदे यांच्या वर्तनाचा पत्रकार म्हणून निरीक्षण व अभ्यास करीत, त्यातून जे काही आकलन झाले, त्यासंदर्भात मी एक वृत्त प्रकाशित केले. त्यातून काही जळकुट्यांची 'चांगलीच ठणकली' म्हणा किंवा खास गावरान भाषेत 'चांगलीच खकानली' त्यातील ज्यांची पार्श्वभूमी स्वार्थातून पलटूराम अशी राहिलेली आहे. अशांनी कुठलाही प्रकारचा राजकीय, सामाजिक आदि इतिहास माहीत नसतांना, फक्त कुठलातरी राजकीय लाभ मिळावा व आपण केवढे पायचाटू आहोत? हे प्रकाशात यावे, ह्यासाठी समाजमाध्यमाचा वापर करीत, थयथयाट करणे हाती घेतले आहे. त्याला हे उत्तर मी देत आहे. माझी वैचारिक भूमिका ही सदैव शिव, फुले, शाहू, आंबेडकर विचारसरणीला आधारित आहे. त्यातूनच स्व. सुरेशभाऊ सोनुने यांनी माझे शिक्षक असलेले वडील स्व. सत्यभान बाळाजी नागरे यांना विचारले व मला संघटनात्मक कार्यासाठी मी १९८१ पासून कॉग्रेसच्या राजकारणात आणले. तेव्हापासून मी एन‌एस‌युआय या विद्यार्थी चळवळी...
अधिक वाचा