खैरव-बारलिंगा ग्रामपंचायतीत निधी अपहाराचा गंभीर आरोप; सरपंच-सचिवांवर चौकशीची मागणी

-

 खैरव-बारलिंगा ग्रामपंचायतीत निधी अपहाराचा गंभीर आरोप; 

सरपंच-सचिवांवर चौकशीची मागणी




सिंदखेडराजा (प्रतिनिधी) – तालुक्यातील खैरव-बारलिंगा ग्रामपंचायतीत मोठ्या प्रमाणावर आर्थिक गैरव्यवहार झाल्याचा गंभीर आरोप पुढे आला असून, सरपंच व सचिवांच्या कारभारावर प्रश्नचिन्ह उपस्थित झाले आहे. ग्रामपंचायत सदस्यांनी थेट गटविकास अधिकाऱ्यांकडे तक्रार दाखल करत चौकशीची मागणी केली आहे.
तक्रारीनुसार, सरपंच सौ. नलिता राजेंद्र गरुड आणि सचिव पी. जी. जाधव यांनी पूर्वीचे ग्रामसेवक जी. आर. गवई यांच्या संगनमताने विविध कामांमध्ये मोठ्या प्रमाणावर अनियमितता केल्याचा आरोप आहे. विशेष म्हणजे, सदस्यांना विश्वासात न घेता व ग्रामसभेची मंजुरी न घेता थेट कामे दाखवून खोटे बिल सादर करण्यात आल्याचे निवेदनात नमूद करण्यात आले आहे.
तसेच, १५ व्या वित्त आयोगाच्या निधीसह इतर खात्यांमधील रक्कम काढून घेतल्याचे, तसेच प्रत्यक्षात काम न करता बिल पास करून निधीचा अपहार केल्याचा आरोपही करण्यात आला आहे. इतकेच नव्हे तर, अधिकृत अधिकार नसताना डीएससी (डिजिटल सिग्नेचर) चा वापर करून शासनाची दिशाभूल केल्याचेही गंभीर आरोप करण्यात आले आहेत.
दरम्यान, माहिती अधिकाराखाली मागवलेली माहिती देण्यासही टाळाटाळ केली जात असल्याचे सदस्यांचे म्हणणे आहे. संबंधित अधिकाऱ्यांकडून उडवाउडवीची उत्तरे देत "ऑनलाइन माहिती घ्या" असे सांगून जबाबदारी टाळली जात असल्याचा आरोपही करण्यात आला आहे.
शाळा दुरुस्ती, गटार बांधकाम, जलजीवन मिशन योजनेतील कामे यामध्येही मोठ्या प्रमाणावर त्रुटी असल्याचे निवेदनात नमूद आहे. गावकऱ्यांनी वर्गणी काढून केलेल्या कामांवरही खोटे बिल सादर करून निधी काढल्याचा आरोप आहे. काही ठिकाणी कोणतेही काम न करता थेट बिल काढण्यात आल्याने शासकीय निधीची मोठी हानी झाली असल्याचे सांगितले जाते.
विशेष म्हणजे, जलजीवन मिशन अंतर्गत गावात पाणीपुरवठा योजना अपूर्ण अवस्थेत असून, पाइपलाइन व नळ जोडणीचे काम रखडलेले आहे. त्यामुळे गावकऱ्यांना अद्याप पाणीटंचाईचा सामना करावा लागत असल्याची स्थिती आहे.
या सर्व प्रकरणामुळे ग्रामपंचायतीच्या कारभारावर प्रश्नचिन्ह निर्माण झाले असून, संबंधितांवर कठोर कारवाई करण्याची मागणी ग्रामपंचायत सदस्यांनी केली आहे. आता प्रशासन या गंभीर आरोपांची दखल घेऊन नेमकी कोणती भूमिका घेतं, याकडे सर्वांचे लक्ष लागले आहे.
निवेदनावर अलका सुधाकर नागरे, नंदा श्रीकृष्ण तळेकर, विद्या संजय लहाने, प्रकाश रामभाऊ गरड, जनार्दन विक्रम नागरे, दत्तू त्र्यंबक तळेकर आदि ग्रामपंचायत सदस्यांच्या स्वाक्षऱ्या आहेत.

टिप्पण्या

टिप्पणी पोस्ट करा

या ब्लॉगवरील लोकप्रिय पोस्ट

चिखला काकड :: छत्रपती शिवाजी महाराज पुतळा प्रकरण नेत्याच्या विखारी भूमिकेमुळे शिवसेना महिला आघाडी तालुका प्रमुखांचा राजीनामा

-
इमेज
चिखला काकड :: छत्रपती शिवाजी महाराज पुतळा प्रकरण नेत्याच्या विखारी भूमिकेमुळे शिवसेना महिला आघाडी तालुका प्रमुखांचा राजीनामा सिंदखेडराजा:- नजीकच्या चिखला काकड येथील छत्रपती शिवाजी महाराज यांच्या पुतळा प्रकरणी माजी आमदार यांच्या भूमिकेला लक्ष करीत शिवसेना शिंदे गटाच्या महिला आघाडी तालुका प्रमुख असलेल्या सौ. जयश्री दीपक कायंदे यांनी आपल्या पदाचा राजीनामा सरळसरळ माजी मुख्यमंत्री एकनाथ शिंदे यांच्याकडे पाठविला आहे. या राजीनाम्यामुळे राजकीय वर्तुळात खळबळ उडाली आहे. छत्रपती शिवाजी महाराज यांच्या पुतळ्यासंदर्भात चिखला काकड, ता. लोणार येथील प्रकरणामुळे संपूर्ण राज्यात खळबळ उडाली आहे. याच पार्श्वभूमीवर शिवसेना शिंदे गटाचे नेते व माजी आमदार डॉ. शशिकांत खेडेकर यांच्या जातीयवादी विखारी भूमिकेमुळे अस्वस्थ झाल्याचे राजीनामा पत्रात विदित करीत सौ. जयश्री दीपक कायंदे यांनी राजीनामा मंजूर करुन आपला श्वास मोकळा करण्याचे राजीनामा पत्र माजी मुख्यमंत्री एकनाथ शिंदे यांच्याकडे पाठविले आहे. ह्या राजीनामा पत्रात पुढे म्हटले आहे की, शिवसेनेचे संस्थापक माननीय बाळासाहेब ठाकरे यांचे विचार प्रवाहित करण्याचे काम शिव...
अधिक वाचा

खोटी कागदपत्रे सादर करीत कर्ज प्रकरणी ; जि. प. मुख्याध्यापक दोन दिवस अटकेत; शिक्षण विभाग मात्र कुंभकर्णी झोपेतच :: चर्चेचे एकच पेव फुटले

-
इमेज
खोटी कागदपत्रे सादर करीत कर्ज प्रकरणी ; जि. प. मुख्याध्यापक दोन दिवस अटकेत; शिक्षण विभाग मात्र कुंभकर्णी झोपेतच  चर्चेचे एकच पेव फुटले सिंदखेडराजा:- तालुक्यातील दुसरबीड येथील पतसंस्थेत खोटी बनावट कागदपत्रे सादर करत  जि. प. शाळेत उच्च श्रेणी मुख्याध्यापकाने कर्ज घेतले आहे. त्याप्रकरणी त्या आरोपी मुख्याध्यापकास अटक होऊन जामीन सुद्धा मंजूर झाला आहे. मात्र याबाबत शिक्षण विभागाने कारवाईची कुठलीही पावले उचलली नसल्याची दबक्या आवाजात शंका कुशंकात्मक चर्चा होत आहे. सत्यजित अर्बन क्रेडिट को ऑपरेटिव्ह सोसायटी, शाखा दुसरबीड, चे व्यवस्थापक दर्शन चोपडा यांनी यासंदर्भात किनगावराजा पोलिस ठाण्यात दिलेल्या फिर्यादीत म्हटले आहे की, पतसंस्थेमध्ये आरोपी शिक्षक दामोदर माणिकराव बुरकुल, उच्च श्रेणी मुख्याध्यापक, रा. शिंगणे नगर, देऊळगावराजा याने सन २०२० मध्ये खोटे बनावट कागदपत्रे सादर करुन ५ लाख रुपयांचे कर्ज घेतले होते. त्यामध्ये जे हमीपत्र होते, त्यावर गटशिक्षणाधिकारी यांच्या बनावट सह्या व शिक्के होते.  सन २०२३ मध्ये याप्रकरणी पोलिसांनी गु. र. नं. २९२/२०२३ कलम ४२०, ४६८, ४७१ भादंवि नुसार गुन्हा ...
अधिक वाचा

सासूच्या सौंदर्यावर जावई फिदा; दोघांनी घरातून पळून जाऊन थाटला संसार, नातेसंबंधांच्या गणिताला नवा ट्विस्ट!

-
इमेज
सासूच्या सौंदर्यावर जावई फिदा;  दोघांनी घरातून पळून जाऊन थाटला संसार,  नातेसंबंधांच्या गणिताला नवा ट्विस्ट! हेच ते जावई आणि सासू कानपूर/वृत्तसेवा उत्तर प्रदेशातील कानपूर येथे नातेसंबंधांच्या पारंपरिक व्याख्यांनाच आव्हान देणारी एक धक्कादायक आणि तितकीच चर्चेची घटना समोर आली आहे. एका सासूने स्वतःच्या जावयासोबत घरातून पळ काढत कोर्ट मॅरेज केल्याने परिसरात आश्चर्य व्यक्त होत आहे. सोशल मीडियावर या प्रकरणाची जोरदार चर्चा रंगली असून अनेकांनी "कुटुंबाच्या नातेसंबंधांचे गणितच बदलले" अशी प्रतिक्रिया दिली आहे. माहितीनुसार, अकबरपूर पोलीस ठाण्याच्या हद्दीतील ही घटना आहे. जावई आणि सासू यांच्यातील जवळीक इतकी वाढली की दोघांनी थेट घर सोडण्याचा निर्णय घेतला. त्यानंतर त्यांनी न्यायालयात विवाह करून नव्या संसाराला सुरुवात केल्याचे सांगितले जात आहे. या घटनेनंतर सोशल मीडियावर व्हायरल झालेल्या व्हिडिओमध्ये दोघेही आपल्या निर्णयाचे समर्थन करताना दिसत आहेत. "आम्ही एकमेकांच्या संमतीने लग्न केले असून समाजाने आम्हाला आशीर्वाद द्यावेत," अशी विनंती त्यांनी केली आहे. दरम्यान, या प्रकारामुळे नाते...
अधिक वाचा